ކުޅުދުއްފުށީގައި ގަވައިދާއި ހިލާފަށް އުޅޭ ބިދޭސިން ހޯދައި ފިޔަވަޅު އަޅަނީ

Sep 3, 2014

ކުޅުދުއްފުށީގައި ގަވައިދާ ހިލާފަށް އުޅޭ ބިދޭސީން ހޯދައި އެ މީހުންނާމެދު ފިޔަވަޅު އެޅުމަށް ހަމަޖެހިފައިވާ ކަމަށް ކުޅުދުއްފުށީ ކައުންސިލުން ބުނެފި އެވެ.

އެ ކައުންސިލުން އިއްޔެ ނެރެފައިވާ އިއުލާނެއްގައި ބުނެފައިވަނީ ކުޅުދުއްފުށީގައި ގަވާއިދާ ހިލާފަށް ބިދޭސީން ގެންގުޅޭ ފަރާތްތަކާއި ގަވާއިދާ ހިލާފަށް ރަށުގައި ދިރިއުޅޭ ބިދޭސީންގެ އަދަދު ބެލުމަށްޓަކައި ޑިޕާޓްމަންޓް އޮފް އިމިގްރޭޝަން އެންޑް އެމިގްރޭޝަންގެ ޓީމެއް މި ސެޕްޓެމްބަރ މަހު ކުޅުދުއްފުއްޓަށް ޒިޔާރަތްކުރުމަށް ހަމަޖެހިފައިވާ ކަމަށެވެ.

އެ އިއުލާނުގައި ވާގޮތުގައި ގަވާއިދާ ހިލާފަށް ކުޅުދުއްފުށީގައި ބިދޭސީން ގެންގުޅޭ ފަރާތްތަކާއި ގަވާއިދާ ހިލާފަށް ރަށުގައި ދިރިއުޅޭ ބިދޭސީންނާ މެދު އިމިގްރޭޝަން ގާނޫނުގެ ދަށުން ފިޔަވަޅު އަޅަމުން ގެންދާނެ އެވެ.

އެގޮތުން އެފަދަ ބިދޭސީން ރާއްޖެއިން ފޮނުވާލުމާއި އެފަދަ ބިދޭސީން ގެންގުޅޭ ފަރާތްތައް 10000ރ. ރުފިޔާއާއި 50000ރ. ރުފިޔާއާ ދެމެދުގެ އަދަދަކުން ޖޫރިމަނާ ކުރެވޭނެ ކަމަށް އެ އިއުލާނުގައިވެ އެވެ.

ގަވައިދާ ހިލާފަށް މިފަދަ ކަންކަން ކުރަމުންދާ ފަރާތްތައް ވީހާވެސް އަވަހަކަށް މިކަން އިސްލަހުކުރުމަށް ކައުންސިލުން އެދިފައިވެ އެވެ. އަދި އެފަދަ ފަރާތްތަށް މިކަމަށް ސަމާލުވުމަށްވެސް އަންގާފައިވެ އެވެ.

މިލިޔުމާއި ގުޅޭ