ހިތުގެ ބަލިތަކަށް ހާއްސަ ޑޮކްޓަރެއް ގޯލްޑަން މެޑިކަލް ސެންޓަރަށް އަންނަނީ

ހިތުގެ ބަލިތަކަށް ހާއްސަ ޑޮކްޓަރެއް ކުޅުދުއްފުށީ ގޯލްޑަން މެޑިކަލް ސެންޓަރުގައި ބަލިމީހުންނަށް ފަރުވާ ދިނުމަށް ހަމަޖެހިފައިވާ ކަމަށް އެ ސެންޓަރުން ބުނެފި އެވެ.

މި މަހު 12، 13 އަދި 14 ގައި ބަލިމީހުން ބަލަން ހަމަޖެހިފައިވަނީ އިންޑިޔާގެ ކޮޗިން ހޮސްޕިޓަލްގެ ހިތުގެ ހާއްސަ ޑޮކްޓަރެއް ކަމަށްވާ  ޑރ ޖޯޖް ޖެކަބް އެވެ.

ޑރ. ޖެކޮބް ފަރުވާ ދެއްވަން ހަމަޖެހިފައިވާނީ ލޭ އަދި ކޮލެސްޓްރޯލް މަތިވުން، ލޭ ހޮޅިތައް ބެދުން، ހަރަކާތް ކުރުމުން މޭތެޅުމާއި ވިންދު އަވަސްވެ ވަރުބަލިވުން އަދި އޭގެ އިތުރުން ހިތާއި ފުއްޕާމޭގެ ހާއްސަ ބަލިތަކަށެވެ.

ގޯލްޑަން މެޑިކަލްއިން މައުލޫމާތުދޭ ގޮތުގައި އީސީޖީ، އެކޯ ޓެސްޓް އަދި ޓްރެޑް މިލް ޓެސްޓް ހަދައި ދެވޭނެ އެވެ

މީގެ އިތުރުން ކަރުންމަތީގެ ހާއްސަ ޑޮކްޓަރ ޑރ ސްނޯޖް ވެސް މި މަހު ގޯލްޑަން މެޑިކަލް ސެންޓަރގައި ބަލިމީހުންނަށް ފަރުވާ ދިނުމަށް ވަނީ ހަމަޖެހިފަ އެވެ.

ޑރ ސްނޯޖް ފަރުވާ ދެއްވާ ބަލިތަކުގެ ތެރޭގައި ސައިނަސް، މައިގްރޭން، ކަންފަތާއި ކަރުންމަތީގެ ބަލިތައް، އިސްތަށި ފޭބުން އަދި ޕްލާސްޓިކް ސާޖަރީގެ ކުރިންނާއި ފަހުން ދެވޭ ފަރުވާތައް ހިމެނެއެވެ.