އެމްއެންޑީއެފް މަދަހަ މުބާރާތުގެ އެންމެ މޮޅު ދަރިވަރަކަށް ޝަމްހާ އަދި އެންމެ މޮޅު ސްކޫލަކަށް ޖަލާލުއްދީން

ކުޅުދުއްފުށީގެ ސްކޫލުތަކުގެ ދަރިވަރުންނަށް އަމާޒުކޮށްގެން އެމްއެންޑީއެފް ނޮދަން އޭރިޔާއިން ކުރިއަށް ގެންދިޔަ މަދަހަ ކިޔުމުގެ މުބާރާތުގެ އެއްވަނަ ޖަލާލުއްދީން ސްކޫލުގެ، ޝަމްހާ އަލީ ރިޒާ ހޯދައިފި އެވެ. އަދި މުޅި މުބާރާތުގެ އެއްވަނަ ސްކޫލަކަށް ހޮވިފައިވަނީ ޖަލާލުއްދީން ސްކޫލެވެ.

75.5 އިންސައްތަ މާކްސް ހޯދައިގެން ޝަމްހާ މުޅި މުބާރާތުން އެއްވަނަ ހޯދިއިރު މުޅި މުބާރާތުން 2 ވަނަ ހޯދައިފައިވަނީ ހދ. އަތޮޅު ތައުލީމީ މަރުކަޒުގެ، އަހުމަދު އަތޫފް މުހައްމަދެވެ. އޭނާ ވަނީ 72 އިންސައްތަ މާކްސް ހޯދައިފަ އެވެ. 68.5 އިންސައްތަ ހޯދައިގެން މުޅި މުބާރާތުން 3 ވަނަ ހޯދީ ޖަލާލުއްދީން ސްކޫލުގެ، އަރީޝާ އަބުދުއްރަޝީދެވެ.

މަދަހަ މުބާރާތުގެ އިނާމު ދިނުމަށް އިއްޔެ ހަވީރު ތިލަދެކުނު ސިނަމާގައި ބޭއްވި ރަސްމިއްޔާތުގައި މުޅި މުބާރާތުގެ ސީނިއާ ކެޓަގަރީން ވެސް އެއްވަނަ ހޯދީ ޖަލާލުއްދީން ސްކޫލެވެ. ޖޫނިއާރ ކެޓަގަރީ އެއްވަނަ ހޯދައިފައިވަނީ ހދ. އަތޮޅު ތައުލީމީ މަރުކަޒެވެ. އަދި ޕްރީ ސްކޫލް ކެޓަގަރީ 1 ވަނަ ހޯދީ އިރުމަތި އަވަށު ޕްރީ ސްކޫލެވެ.

ގުރޫޕް މަދަހައިގެ ނަތީޖާތަކަށް ބަލާއިރު ޕްރީ ސްކޫލު ކެޓަގަރީން 1 ވަނަ ލިބިފައިވަނީ އައިޕީއެސް އަށެވެ. އަދި ގްރޭޑް 1،2 ގެ ކެޓަގަރީ އާއި 3،4،5 ކެޓަގަރީގެ އިތުރުން 6،7 ގެ ކެޓަގަރީން އެއްވަނަ ހޯދައިފައިވަނީ ހދ. އޭއީސީ އެވެ. ގްރޭޑް 8،9 ގެ ކެޓަގަރީ އެއްވަނަ ހޯދީ ޖަލާލުއްދީން ސްކޫލެވެ.

ދަރިވަރުން ހޯދި ވަކިވަކި ނަތީޖާތަކަށް ބަލާއިރު ޕްރީ ސްކޫލު ކެޓަގަރީ އެއްވަނަ ހޯދީ އިރުމަތި އަވަށު ޕްރީ ސްކޫލުގެ، ނުޒުހާ މުހައްމަދެވެ. އެ އުމުރު ފުރާއިން ދެވަނަ ހޯދީ އަމީރު އަމީން ސްކޫލުގެ، އަހްނާ އަހުމަދު ހަސަނެވެ. އަދި ތިންވަނަ ލިބިފައިވަނީ އިރުމަތި އަވަށު ޕްރީ ސްކޫލުގެ ދަރިވަރު ފާތުމަތު އަޔާ އިބްރާހިމެވެ

ގްރޭޑް 1 އަދި 2 ގެ ކެޓަގަރީ 1 ވަނަ ލިބިފައިވަނީ އަފީފުއްދީން ސްކޫލުގެ، ޝައިނާ އަބުދުލް ލަތީފަށެވެ. ހަމަ އެކެޓަގަރީ ދެވަނަ އަތޮޅު ތައުލީމީ މަރުކަޒުގެ، އައިޝަތު އަޒުމާ އަބުދުﷲ ހޯދިއިރު 3 ވަނައަށް ގޮސްފައިވަނީ ތައުލީމީ މަރުކަޒުގެ، އައިމިނަތު ޝުވާއު އެވެ.

 

ހދ. އަތޮޅު ތައުލީމީ މަރުކަޒުގެ އަހުމަދު އަތޫފް މުހައްމަދު ގްރޭޑް 3،4، އަދި 5 ގެ ކެޓަގަރީ އެއްވަނަ ހޯދިއިރު އެކެޓަގަރީ 2 ވަނަ ލިބިފައިވަނީ އަފީފުއްދީން ސްކޫލުގެ، އައިމިނަތު އަރީޝާ އަބުދުއް ރަޝީދަށެވެ. އަދި ތިންވަނަ ހޯދައިފައިވަނީ އަފީފުއްދީން ސްކޫލުގެ، އައިޝަތު އަރީން އަލީ އެވެ.

 

ގްރޭޑް 6،7 ގެ ކެޓަގަރީ އެއްވަނަ ހޯދީ ހދ. އަތޮޅު ތައުލީމީ މަރުކަޒުގެ، މުއްތަސިމު މުހައްމަދެވެ. އެ އުމުރުފުރާއިން ދެވަނަ ހޯދާފައިވަނީ ތައުލީމީ މަރުކަޒުގެ، އައިޝަތު އަފާފް އަލީ އެވެ. އަދި ތިންވަނަ ލިބިފައިވަނީ އަފީފުއްދީން ސްކޫލުގެ، ސާރާ އަހުމަދަށެވެ.

 

ގުރޭޑް 8 އަދި 9 ގެ ކެޓަގަރީގެ އެއްވަނަ ދެވަނަ އަދި ތިންވަނަ ވެސް ހޯދާފައިވަނީ ޖަލާލުއްދީން ސްކޫލުގެ ދަރިވަރުންނެވެ. އެއްވަނަ ޝަމްހާ އަލީ ރިޒާ ހޯދިއިރު އިރު ދެވަނަ ހޯދީ އަރީޝާ އަބްދުއްރަޝީދެވެ. 3 ވަނަ ހޯދާފައިވަނީ ލަމްހާ މުހައްމަދެވެ.

 

ގްރޭޑް 11 އަދި 12 ކެޓަގަރީގެ އެއްވަނަ ލިބިފައިވަނީ އައިމިނަތު ހުމައިދާއަށެވެ. 2 ވަނަ ލިބުނީ އިނާޔަތު އަލީ އަށް އަދި 3 ވަނަ ލިބިފައިވަނީ އުލްފާ އަބްދުލް ލަތީފަށެވެ. މި ކެޓަގަރީގައި ބައިވެރިވެފައިވަނީ ހަމައެކަނި ޖަލާލުއްދީން ސްކޫލުންނެވެ.

ކުޅުދުއްފުށީގެ ފަސް ސްކޫލަކު ޖުމްލަ 171 ދަރިވަރަކު ވަނީ މިމުބާރާތުގައި މަދަހަ ހުށަހަޅާދީފަ އެވެ. މިމުބާރާތުގެ ފަނޑިޔާރުކަން ކޮށްދީފައިވަނީ ލެފްޓިނެންޓް ހުސެއިން އަލީ އާއި ކެޕްޓަން އަހުމަދު އާތިފެވެ.

މިމުބާރާތް ޝަރަފްވެރިކޮށްދެއްވައި ހާއްސަ ވަނަތަކަށް އިނާމް ދެއްވީ ޖަލާލުއްދީން ސްކޫލުގެ ޕްރިންސިޕަލް މަހުދީ ޝާހިދެވެ. އަދި މިރަސްމިއްޔާތުގައި އެމްއެންޑީއެފް ނޮދަން އެރިޔާގެ ކޮމާންޑަރ މުހައްމަދު ރިޒްމީ ވަލީދާއި ސިފައިންގެ އިސް އޮފިސަރުންނާއި ކުޅުދުއްފުށީ ކައުންސިލު މެންބަރުންނާއި ސްކޫލުތަކުގެ އިސްވެރިން ބައިވެރިވެލެއްވި އެވެ.

މިއީ އެމްއެންޑީއެޕްއިން މިފަދަ ގޮތަކަށް ބޭއްވި ފުރަތަމަ މަދަހަ މުބާރާތެވެ.

[yass cats=116]