މޯލްޑިވިއަންގެ ހާއްސަ ފުލައިޓެއް ކޮލަންބޯއަށް

ގައުމީ އެއާލައިން މޯލްޑިވިއަންގެ ހާއްސަ ފުލައިޓެއް ކޮލަންބޯއަށް ޝެޑިއުލްކޮށްފި އެވެ.

މޯލްޑިވިއަންގެ ފަރާތުން މި ނޫހާ ވާހަކަ ދައްކަވަމުން މާކެޓިން މެނޭޖަރ ޝަމާ ނަޝްރީން ބުޝްރީ ވިދާޅުވީ މި ހާއްސަ ފްލައިޓް ޝެޑިއުލްކޮށްފައިވަނީ 25 އޮކްޓޯބަރ ގައި މާލެއިން ކޮލަންބޯއަށް އަދި 1 ނޮވެމްބަރުގައި ކޮލަންބޯއިން މާލެއަށް ކަމަށެވެ.

ޝަމާ ވިދާޅުވީ އެއްކޮޅަށް ނަމަ އެންމެ އަގުހެޔޮ ފެއަރގެ އަގަކީ 70 ޑޮލަރު ކަމަށެވެ. އަދި ދެކޮޅަށް ނަމަ 130 ޑޮލަރު ކަމަށެވެ.

މޯލްޑިވިއަންއިން ކޮލަންބޯއަށް ޝެޑިއުލްކޮށްފައިވަނީ އެންމެ ފުލައިޓެކެވެ.

މޯލްޑިވިންގެ ފުލައިޓްތައް އިންޑިޔާގެ ޓްރެވެންޑްރަމް އާއި ޗެންނާއީގެ އިތުރުން ޗައިނާގެ ވޫހަން ސިޓީއަށް ދަނީ ދަތުރުކުރަމުންނެވެ. އެގައުމުތަކަށް ކުރާ ދަތުރުތަކަށް ބޮޑު ތަރުހީބެއް ދަނީ ލިބެމުންނެވެ.