އިއްޔެ އިރުމަތި އަވަށު ޕްރީސްކޫލްގެ ޕީޓީއޭއިން އިންތިޒާމްކޮށްގެން ބޭއްވި “ހުސްކުރާ ސޭލް”އިން 37 ހާހަށްވުރެ ގިނަ ރުފިޔާ ލިބިއްޖެ އެވެ.
އެގޮތުން މި ސޭލުން ޖުމްލަ 37274.50 ރުފިޔާ ލިބިފައިވާ ކަމަށް އެ ސްކޫލްގެ ހިންގުމާ ހަވާލުވެ ހުންނެވި ޝަމީމާ ހުސެއިން މައުލޫމާތުދެއްވި އެވެ.
“ކުޅުދުއްފުށީ އޮންލައިނާ” ވާހަކަ ދައްކަވަމުން އެ ސްކޫލުގެ ޕީޓީއޭގެ ނައިބު ރައީސް ފާތިމަތު ހަސަން ވިދާޅުވީ މި ސޭލުން ލިބުނު ރުފިޔާ ބޭނުންކުރާނީ ސްކޫލަށް ބޭނުންވާ ތަކެތި ގަތުމަށާއި ސްކޫލުގެ ވަށާ ފާރު ރޭނުމަށާއި މައްސަލަ ޖެހިފައިވާ ސްކޫލުގެ ސައުންޑް ސިސްޓަމް ރަނގަޅުކުރުމަށް ކަމަށެވެ.
އިއްޔެ މެންދުރު 2:30 އިން ރޭގަނޑު 10 ޖަހާދެން ކުރިއަށްދިޔަ މި ސޭލަށް ސްކޫލުގެ ބެލެނިވެރިންގެ ފަރާތުން ބޮޑު ތަރުހީބެއް ލިބިފައިވާއިރު އެ ތަރުހީބަށް ފާތިމަތު ވަނީ ޝުކުރުއަދާކޮށްފަ އެވެ.
ކާބޯތަކެއްޗާއި، ހިފާގެންގުޅޭ ސާމާނު އަދި އަންނައުނުގެ އިތުރުންވެސް ތަފާތު ބާވަތްތައް ގަންނަން ލިބެން ހުރި މި ސޭލް ހުޅުވައިދެއްވާފައިވަނީ ފަރިރީތިގެ މެނޭޖަރ މުހައްމަދު އާއި ޕޮލިސް ސާޖެންޓް އަލީ ރަޝީދު އާއި އެ ސްކޫލުގެ ބޯޑްގެ ޗެއަރ ޕާރސަން އަލީ މުފީދު އާއި ވަފާ ފިހާރައިގެ އަބޫބަކުރު އަދި ބޭންކް މެނޭޖަރ ގާސިމް އަބުދުލް ކަރީމެވެ.
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
