ކުޅުދުއްފުށީ ފިހާރައެއް ފަޅާލައިފި

ކުޅުދުއްފުށީގެ ރިއަލް އެޗް ފިހާރަ ރޭ ފަޅާލައިފި އެވެ.

މި ނޫހާ ވާހަކަ ދައްކަވަމުން ރިއަލް އެޗް ފިހާރައިގެ އިސްފަރާތްކަމަށްވާ ހުސެއިން ދީދީ ވިދާޅުވީ ފިހާރަ ފަޅާލައިފައިވަނީ ދޮރު އިރާލައިގެން ކަމަށާއި ފަޅާލިކަން އޭނާ އެންގުނީ މިއަދު 8 ޖަހާކަށްހާއިރު ކަމަށެވެ.

ވަގަށް ގެންގޮސްފައިވަނީ އެއް ހާސް ރުފިޔާގެ އިތުރުން 2 ސޭންޕް ފުޅި އާއި 2 ސައިބޯނި ފުޅި ކަމަށް ހުސެއިން ވިދާޅުވި އެވެ. އަދި ދޮރު އަލުން މަރާމަތުކުރާ ވަރަށް ހަލާކުވެފައިހުރި ކަމަށްވެސް އޭނާ ވިދާޅުވި އެވެ.

ހުސެއިން އިތުރަށް ވިދާޅުވީ މި މައްސަލަ ފުލުހުންނަށް ހުށައަޅާފައިވާނެ ކަމަށާއި ފުލުހުން ފިހާރައަށް އައިސް މި މައްސަލަ ތަހުގީގުވެސް ކޮށްފައިވާ ކަމަށެވެ.