ކުއްތާއެއް ކަމަށް ބެލެވޭ އެއްޗެއް ކުޅުދުއްފުށި ގޮނޑުދޮށަށް ލައްގައިފި

މަރުވެފައި އޮތް ކުއްތާއެއް ކަމަށް ބެލެވޭ އެއްޗެއް ކުޅުދުއްފުށީ ގޮނޑުދޮށަށް ލައްގާފައި އޮއްވާ ފެނިއްޖެ އެވެ.

ކުޅުދުއްފުށީ “ބޯޒިޔާރަތާ” ދިމާއަށް ލައްގާފައިވަނިކޮށް ފެނިފައިވާ މިޖަނަވާރު އާދައިގެ ބުޅަލަކަށް ވުރެ ބޮޑެވެ. އަދި އޭގެ ނަގޫ ކުއްތާއެއްގެ ނަގުލަކާ ވައްތަރު ގޮތެއް ހުރިއިރު މޫނު މަތި ބުޅަލެއްގެ މޫނަށް ވުރެ ދިގުކަން ފާހަގަކުރެވިފައިވެ އެވެ.

ލައްގާފައިވާ ޖަނަވާރު ވަނީ ވަރަށް ބޮޑަށް ކުނިވެފަ އެވެ.

ފުލުހުން ބުނީ މިއަދު ހަވީރުގެ ކުއްތާއެއް ކަމަށް ބެހެވޭ އެއްޗެއް ކުޅުދުއްފުށީ ގޮނޑުދޮށަށް ލައްގައިފައިވާ ކަމަށް ބުނެ ބަޔަކު ފުލުހުންނަށް ރިޕޯޓުކޮށްފައިވާ ކަމަށެވެ. އެހެންނަމަވެސް އެއީ ކުއްތާއެއް ނޫން ކަމަށާއި އެއީ ބުޅަލެއް ކަމަށް ފުލުހުންގެ މީޑިއާ އޮފިޝަލް މިނޫހަށް މައުލޫމާތު ދެމުން ވިދާޅުވި އެވެ.