ޕަބްލިކު ހެލްތާއި ޖަލާލުއްދީން ގުޅިގެން ސިއްހީ ޕްރޮގްރާމެއް ހިންގައިފި

ކުޅުދުއްފުށީ ޕަބްލިކު ހެލްތާއި ޖަލާލުއްދީން ސްކޫލް ގުޅިގެން އެސުކޫލްގެ ގްރޭޑް 8 ގެދަރިވަރުންނަށް އަމާޒުކޮށްގެން ސިއްހީ މައުލޫމާތު ދިނުމުގެ ޕްރޮގްރާމެއް ހިންގައިފި އެވެ.

މި ޕްރޮގްރާމުގައި ބައިވެރިވުމަށް ޝައުގުވެރިކަން ފާޅުކޮށް ގްރޭޑް 8 ގެ ދަރިވަރުންގެ ތެރެއިން  30 ދަރިވަރު ނަން ނޯޓު ކުރިއެވެ. އޭގެ ތެރެއިން ގިނަ އަދަދެއްގެ ކުދިން މިޕްރޮގްރާމުގައި ބައިވެރި ވިއެވެ.

މިޕްރޮގްރާމްގައި ދަރިވަރުންނަށް އަމިއްލަ ސާފުތާހިރުކަމާއި، ރަގަނޅު ކާނާއާއި ބެހޭގޮތުން މައުލޫމަތު ދެވިފައި ވެއެވެ. އޭގެ އިތުރުން ފަސްޓް އެއިޑްގެ މައުލޫމާތު ވެސް މި ޕްރޮގްރާމްގެ ތެރޭގައި ހިމެނިގެން ދިޔައެވެ.

މި ޕްރޮގްރާމް ކުރިއަށް ގެންދިޔައީ ހުކުރު ދުވަހުގެ ހެނދުނު 8:30 ން 10:30 ށެވެ. އަދި މެންދުރު ފަހު 2:30 ން 4:30 ށެވެ.