ކުޅުދުއްފުށި އޮންލައިން ކުރުވާހަކަ މުބާރަތުގެ ނަތީޖާ ފާޅުކުރުން މާދާމާ

ކުޅުދުއްފުށީ އޮންލައިންގެ 4 ވަނަ ކުރުވާހަކަ ލިޔުމުގެ މުބާރަތުގެ ނަތީޖާ ފާޅުކުރުން މާދާމާ ޖަލާލުއްދީން ސްކޫލްގައި ބާއްވާ ހާއްސަ އެސެމްބަލީއެއްގައި އޮންނާނެ އެވެ.

ކުޅުދުއްފުށީ އޮންލައިނާއި ޖަލާލުއްދީން ސްކޫލްގެ ދިވެހި ޑިޕާޓްމަންޓް ގުޅިގެން ކޮންމެ އަހަރަކު ބާއްވަމުން އަންނަ ކުރުވާހަކަ މުބާރާތުގައި މިއަހަރު ޖުމްލަ 36 ކުދިންވަނީ ބައިވެރިވެފަ އެވެ.

2011 ވަނަ އަހަރުން ފެށިގެން ކުރިއަށް ގެންދާ މިމުބާރަތަކީ ދިވެހި ބަސް ކުރިއަރުވާ ވާހަކަ ލިޔުމުގެ ފަންނު ދަރިވަރުންގެ ކިބައިގައި އަށަގެންނެވުމަށް ގްރޭޑް 10، 11 އަދި 12 ގެ ދަރިވަރުންނަށް އަމާޒުކޮށްގެން ކުރިއަށް ގެންދާ މުބާރާތެކެވެ.

މިމުބާރާތުގެ އެއްވަނަ އަށް އަންނަ ދަރިވަރަކަށް ކުޅުދުއްފުށި އޮންލައިންގެ ފަރާތުން ޓްރޮފީއާއީ އެސާ އޭޓިވް ޓެބްލެޓެއް ދިނުމަށް ވަނީ ހަމަޖެހިފައެވެ. އަދި ދެވަނަ އަދި ތިންވަނައަށް ވެސް ޓްރޮފީއާއި އަގުހުރި އިނާމެއް ދިނުމަށް ވަނީ ހަމަޖެހިފައެވެ. މީގެއިތުރުން މުބާރާތުގެ އެންމެ މޮޅު 15 ވާހަކަ ލިޔުން ދަރިވަރުންނަށް ސެޓްފިކެޓް ދޭނެއެވެ.

ކުޅުދުއްފުށި އޮންލައިނުން މިދިޔަ އަހަރު ބޭއްވި ކުރުވާހަކަ ލިޔުމުގެ މުބާރާތުގެ އެއްވަނަ ހޯދާފައިވަނީ އަހުމަދު އިބްރާހިމް އެވެ. މިދިޔަ އަހަރުގެ މުބާރާތުގެ އެއްވަނަ އަށް ދިޔަ ފަރާތަށް އެންޑްރޮއިޑް ޓެބްލެޓެއްގެ އިތުރުން ޓްރޮފީއަކާއި ހަނދާނީ ލިޔުމެއް ވަނީ ދީފައެވެ.