އަފީފުއްދީން ސްކޫލް ލިޓިލްމެއިޑް އައުޓިން ފަށައިފި

އަފީފުއްދީން ސްކޫލްގެ ގްރޭޑް 2 އަދި 3 ލިޓިލްމެއިޑް ދަރިވަރުންގެ އައުޓިން މިއަދު ފަށައިފި އެވެ.

ލިޓިލް މެއިޓްގެ އިންޗާރޖް ޝަހީމާ އަހުމަދު މިނޫހަށް މައުލޫމާތު ދެމުން ވިދާޅުވީ މިއީ މިއަހަރު ލިޓިލް މެއިޑްގެ ފުރަތަމަ އައުންޓިން ކަމަށާއި މި އައުޓިންގެ މަގުސަދަކީ ދަރިވަރުންނަށް އަމިއްލައަށް ކަންކަން ކުރުމުގެ ފުރުސަތު ހުޅުވާލާ އަމިއްލައަށް ޒިންމާ ނަގަން ދަސްކޮށްދިނުން ކަމަށެވެ.

އެގޮތުން މި އައުޓިންގެ ތެރޭގައި ދަރިވަރުން އަމިއްލަޔަށް ކެއްކުމާއި ރީތި ވުމުގެ އިތުރުން އަމިއްލަޔަށް އެކިކަންކަން ކުރުމަށް ދަސްކޮށްދެވިގެން ދާނެ ކަމަށްވެސް ޝާހީމާ ވިދާޅުވި އެވެ.

ޝަހީމާ ވިދާޅުވީ އައުޓިންގެ އިތުރުން ލިޓިމްމެއިޑްގެ ހުރިހާ ދަރިވަރުންނަށް ކޮންމެ ހަފްތާއަކު ބައްދަލުވުމެއް ކުރިއަށް ގެންދާކަމަށާއި އޭގެ އިތުރުން މިއަހަރު ބްރައުން ޕެކަށް އަލަށް ބައިވެރިވި ދަރިވަރުންގެ ހުވާ ކުރުމާއި ގޯލްޓެން ޕެކްގައި މިހާރު އުޅޭ ގްރޭޑް 5 ގެ ދަރިވަރުންގެ ލައިންއަޕް ކުރުން ވެސް އޮންނާނެ ކަމަށެވެ.

މިއަދު ހަވީރު 4 ން މާދަމާ ހަވީރު 4 ށް ކުރިއަށް ގެންދިއުމަށް ހަމަޖެހިފައިވާ މި އައުޓިންގައި ޖުމްލަ 42 ދަރިވަރަކު ވަނީ ބައިވެރިވެފަ އެވެ.