މީރާ އާއި މޯލްޑިވްސް ޕޯސްޓް ލިމިޓެޑް އާ ދެމެދު އެއްބަސްވުމެއްގައި ސޮއިކޮށްފި

މީރާ އާއި މޯލްޑިވްސް ޕޯސްޓް ލިމިޓެޑް އާ ދެމެދު މެމޮރެންޑަމް އޮފް އަންޑަސްޓޭންޑިންގ (އެމްއޯޔޫ) އެއްގައި ސޮއިކޮށްފި އެވެ.

މިއީ އެއް އިދާރާއިން އަނެއް އިދާރާއަށް އެއްބާރުލުމާއި އެހީތެރިކަން ފޯރުކޮށްދިނުމަށާއި މައުލޫމާތު ހިއްސާކުރުމާ ބެހޭގޮތުން ވެވުނު އެއްބަސްވުމެއް ކަމަށް އެ މީރާއިން މައުލޫމާތުދެ އެވެ.

މި އެމްއޯޔޫގެ ސަބަބުން ދެ އިދާރާގެ މަސައްކަތްތައް މިހާރަށްވުރެ ފުރިހަމަ ގޮތެއްގައި ތަންފީޒުކުރުމުގެ ފުރުސަތު ފަހިވެގެންދާނެ ކަމަށް މިރާއިން ބުނެ އެވެ.

އަދި ދެ މުއައްސަސާގެ ވަސީލަތްތައް ހިއްސާކުރުމަށް މަގުފަހިވެގެންދިއުމުގެ އިތުރުން ދެ އިދާރާއިން ހިންގާ ޓްރެއިނިން ޕްރޮގުރާމުތަކުގައި ދެ އިދާރާގެ މުވައްޒަފުން ބައިވެރިވުމުގެ ފުރުސަތު ލިބިގެންދާނެ ކަމަށްވެސް މީރާއިން މައުލޫމާތުދެ އެވެ.

މި އެމްއޯޔޫގައި މީރާގެ ފަރާތުން ސޮއިކުރެއްވީ ކޮމިޝަނަރ ޖެނެރަލް އޮފް ޓެކްސޭޝަން ޔަޒީދު މުހައްމަދެވެ. އަދި އެމްޕީއެލްގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރ އަހުމަދު ޝަފީގު މުހައްމަދެވެ.