ގުރުއާނާ ބެހޭ މަރުކަޒުގެ މުދައްރިސުންނަށް ރަނގަޅު އިންތިޒާމެއް ހަމަޖައްސާފައިނުވާ ކަމަށް ބުނެ ބަޔަކު ނުރުހުން ފާޅުކޮށްފި

Oct 19, 2014

ގުރުއާނާ ބެހޭ މަރުކަޒާއި ކުޅުދުއްފުށީ ކައުންސިލާ ގުޅިގެން ކުޅުދުއްފުށީގައި ހިނގަމުންދާ ލެވެލް 1 ކޯހުގެ ބައިވެރިނަށް ޓެސްޓް ދިނުމަށް އެ މަރުކަޒުން އައި މުދައްރިސުންނަށް އެކަށީގެންވާ އިންތިޒާމެއް ކައުންސިލުން ހަމަޖައްސާފައިނުވާ ކަމަށް ބުނެ އެ ކޯހުގެ ބައިވެރިން ކައުންސިލް އިދާރާގައި ނުރުހުން ފާޅުކޮށްފި އެވެ.

ކޯހުގެ ބައިވެރިން ކައުންސިލަރުންނާ ބައްދަލުކޮށް ބުނެފައިވަނީ ގުރުއާނާ ބެހޭ މަރުކަޒުން އައި ޓީޗަރުންގެ ކެއުމާއި އެމީހުންނަން ކައުންސިލް އިދާރާއިން ފޯރުކޮށް ދޭންޖެހޭ މެހެމާންދާރީ އަދާކޮށްފައިނުވާ ކަމަށެވެ.

އެމީހުން ބުނެފައިވަނީ އެ މުދައްރިސުންނަށް ކައުންސިލުން ” އަޅާލާފައި ނުވާތީ ” ގާރީ ކޯހުގެ ލެވެލް 2 ކުޅުދުއްފުށީގައި ނުފެށިދާނެ ކަމުގެ ކަންބޮޑުވުން އޮތްކަމަށެވެ.

ކައުންސިލުން އެންހެން ކަންކަމަށްދޭ އިސްކަން، ގުރުއާނާ ބެހޭ ކޯހަށް ނުދޭކަމަށް އެކޯހުގެ ބައިވެރިން ވަނީ ކައުންސިލަރުނާ ބައްދަލުކޮށް ބުނެފަ އެވެ. އަދި އެ ކޯހުގެ ކަންތައްތައް ކައުންސިލުން ގެންދަނީ އެއްވެސް އިންތިޒާމެއްގެ ދަށުން ނޫން ކަމަށްވެސް އެ ކޯހުގެ ބައިވެރިންވަނީ ތުހުމަތު ކުރައްވާފަ އެވެ.

ނުރުހުން ފާޅުކުރި ކޯހުގެ ބައިވެރިންނާ ބައްދަލުކޮށް ކައުންސިލުގެ ރައީސް އަލީ މުހައްމަދު ވިދާޅުވީ ގުރުއާނާ ބޭހޭ މަރުކަޒާ އެ ކައުންސިލުން ގުޅިގެން ހިންގާ ގާރީ ކޯހަކީ ކައުންސިލުން ވަރަށް އިސްކަމެއްދީގެން ކުރިއަށްގެންދާ ކޯހެއް ކަމަށާއި ގުރުއާނާ ބެހޭ މަރުކަޒުން ކައުންސިލުން ފޯރުކޮށްދޭ އިންތިޒާމާއި ބެހޭގޮތުން އެއްވެސް ޝަކުވާއެއް އެބޭފުޅުން ކޮށްފައިނުވާ ކަމަށެވެ.

މިލިޔުމާއި ގުޅޭ