ރާއްޖޭ ބޮޑެތި މީޑިއާތަކާއެކު ކުޅުދުއްފުށި އޮންލައިން ނެސްލޭ ޓުއާގައި

ރާއްޖޭގައި ހަރަކާތްތެރިވާ އެންމެ ބޮޑެތި މީޑިއާތަކާއެކު ވިޔަފާރި ކުންފުނި ނެސްލޭ ލަންކާ ޓުއާގައި ބައިވެރިވުމުގެ ފުރުސަތު ކުޅުދުއްފުށި އޮންލައިންއަށް ލިބިއްޖެ އެވެ.

އެމްބީސީ، ދިޓީވީ، ވީމީޑިއާ، ހަވީރު، މޯލްޑިވްސޮކާ، ސީއެންއެމް އަދި ވަގުތު ފަދަ މީޑިއާތަކާއެކު މި ޓްއާގައި ބައިވެރިވުމަށް އަތޮޅު ތެރޭގައި ހަރަކާތްތެރިވާ މީޑިއާތަކުގެ ތެރެއިން ކުޅުދުއްފުށި އޮންލައިންގެ އިތުރުން ދެން ފުރުސަތު ލިބިފައިވަނީ އައްޑޫ ލައިވް އާއި އައްޑޫ އޮންލައިން އަށެވެ.

ނެސްލޭ ލަންކާ އާއި ހައިރައިޒް މޯލްޑިވްސް ގުޅިގެން އިންތިޒާމު ކުރާ ލަންކާ ޓުއަރ މިމަހުގެ 19 އިން 21 އަށް ކޮލަންބޯގައި އޮންނައިރު، މި ޓުއާގައި ކޮލަމްބޯގައި ހުންނަ ނެސްލޭގެ ހެޑްއޮފީހަށް ޒިޔާރަތްކުރުމުގެ އިތުރުން އެކުންފުނީގެ އުފެއްދުންތައް އުފައްދާ ފެކްޓަރީތަކަށް ގެންދިއުން ހިމެނެއެވެ. އޭގެތެރޭގައި ކިރުގެ ބާވަތްތައް އުފައްދާ ތަންތަނާއި ނޫޑްލީސް ފެކްޓްރީ ހިމެނެއެވެ.

މީގެ އިތުރުން ނެސްލޭ ކުންފުނިން ހިންގާ ސީއެސްއާރު ޕްރޮގްރާމްތައް ދައްކާލުމާއި ނެސްލޭގެ “ކްރިއޭޓިންގ ޝެއަރޑް ވެލިއު” ޕޮލިސީގެ ދަށުން ލަންކާގެ ރައްޔިތުންނަށް ތަފާތު ގޮތްގޮތުން އެހީތެރިވާ ގޮތްތައް ކިޔައިދޭނެ އެވެ.

ލަންކާގައި ނެސްލޭގެ އެކި ވަޒީފާތަކުގައި 1200 އަށްވުރެ ގިނަ މީހުން އުޅެއެވެ. އަދި 23000 މީހުން ނެސްލޭއަށް ރޯ ގެރިކިރު ވިއްކައެވެ.