އެސްޓީއޯ އިން ހަނިމާދޫގައި ބޭސް ފިހާރައެއް ހުޅުވައިފި

Nov 2, 2014

މީހުން ދިރިއުޅޭ ކޮންމެ ރަށެއްގައި އާސަންދައިގެ ހިދުމަތް ލިބޭ ފާމަސީއެއް ގާއިމުކުރުމަށް އެސްޓީއޯ އިން ކުރިއަށް ގެންދާ މަޝްރޫއުގެ ދަށުން ހދ. ހަނިމާދޫގައި ބޭސްފިހާރައެއް ހުޅުވައި ހިދުމަތްދޭން ފަށައިފި އެވެ.

ހަނިމާދޫގައި ބޭސް ފިހާރަ ހުޅުވައި ހިދުމަތް ދޭން ފަށާފައިވަނީ ރޭގެ 10:45 ގަ އެވެ. ހަނިމާދޫ ބޭސް ފިހާރަހުޅުވުމަށްޓަކައި އެއްވެސް ރަސްމިއްޔާތެއް ބާއްވާފަ އެއް ނުވެ އެވެ.

އެސްޓީއޯއިން ބުނީ ކޮންމެ ރަށެއްގައި ބޭސް ފިހާރައެއް ހުޅުވުމުގެ ބޭނުމަކީ ރައްޔިތުންނަށް ފަސޭހަކަމާ އެކު ބޭހުގެ ހިދުމަތް ފޯރުކޮށްދިނުން ކަމަށާއި ސަރުކާރުގެ އުންމީދަކީ ދިވެހިރާއްޖޭގެ ކޮންމެ ރައްޔިތަކީ ވެސް އާސަންދައިގެ ދަށުން ބޭސް ލިބޭ ރައްޔިތަކަށްވުން ކަމަށެވެ.

ހަނިމާދޫގެ އިތުރުން އިއްޔެ ވަނީ ޅ.ނައިފަރުގައިވެސް އެސްޓީއޯގެ ބޭސް ފިހާރައެއް ހުޅުވާފަ އެވެ.

ކޮންމެ ރަށެއްގައި އެސްޓީއޯގެ ބޭސް ފިހާރައެއް ގާއިމު ކުރުމުގެ ޕްރޮޖެކްޓް ދެ އަހަރު ތެރޭގައި ނިންމާނެ ކަމަށް އެ ކުންފުނިން ބުނެ އެވެ.

މިލިޔުމާއި ގުޅޭ