އުރީދޫގެ ހުރިހާ ހިދުމަތެއް ހިމެނޭ ޕޯސްޓްޕެއިޑް ޕެކޭޖުތައް އިތުރަށް ފުރިހަމަ ކޮށްފި

އުރީދޫ މޯލްޑިވްސްއިން ‘އުރީދޫ ޕޯސްޓްޕެއިޑް އަންލިމިޓެޑް’ ޕެކޭޖުތައް ފުރިހަމަކޮށް އިތުރު ފައިދާތަކެއް އިތުރުކޮށްފި އެވެ.

ރާއްޖޭގެ ފުރަތަމަ އޯލް އިންކްލޫސިވް ނުވަތަ ހުރިހާ ހިދުމަތެއް ހިމެނޭ އުރީދޫ ޕޯސްޓްޕެއިޑް އަންލިމިޓެޑް ޕެކޭޖުތަކުގައި މިހާރު އަންލިމިޓެޑް ކޯލްއާއެކު 3.5 ޖީބީއާއި ހަމައަށް އެލަވަންސް އިތުރުކޮށް %50 އައިޑީޑީ ޑިސްކައުންޓް ބޭނުން ގައުމަކަށް ލިބޭނެ ކަމަށް އުރީދޫއިން މައުލޫމާތުދެ އެވެ.

މީގެއިތުރުން ރާއްޖޭގެ ލޯކަލް ނަންބަރުތަކަށް  1500އާހަމަޔަށް ހިލޭ އެސްއެމްއެސް ކުރެވޭއިރު ރާއްޖޭގެ ލޯކަލް ނަންބަރުތަކަށް މުޅި ދުވަހު އެންމެ އަގު ހެޔޮ ރޭޓްގައި ގުޅާލެވޭނެ ކަމަށް އުރީދޫއިން ބުނެ އެވެ.

އުރީދޫގެ ކަސްޓަމަރުންނަށް އިތުރު ފައިދާތައް ލިވްއަންލިމިޓެޑް އެޑްއޯންސް، އުރީދޫ ޑޭޓާ އެޑްއޯންސް، މެސަޖިންގ އެޑްއޯންސްގެ އިތުރުން އައިޑީޑީ އެޑްއޯންސްވެސް އެކްޓިވޭޓްކޮށް ޕޯސްޓްޕެއިޑް ޕެކޭޖު ބޭނުންވާ ގޮތަކަށް ފަރުމާކުރެވޭނެ ކަމަށް އެ ކުންފުނިން ބުނެ އެވެ.

ހުރިހާ ހިދުމަތްތައް ހިނމެނޭ ‘އުރީދޫ ޕޯސްޓްޕެއިޑް އަންލިމިޓެޑް’ ޕެކޭޖުތަކަކީ އުރީދޫ ޕޯސްޓްޕެއިޑް ގޯލްޑް 499، އުރީދޫ ޕޯސްޓްޕެއިޑް ޑައެމަންޑް 749 އަދި އުރީދޫ ޕޯސްޓްޕެއިޑް ޕްލެޓިނަމް 899 އެވެ.

އުރީދޫއިން މައުލޫމާތުދިން ގޮތުގައި ޕޯސްޓްޕެއިޑް ގޯލްޑް އިން އުރީދޫގެ ނަމްބަރުތަކަށް އަން ލިމިޓެޑްކޮށް ގުޅޭ އިރު ފުރީ މިނެޓުގެ ގޮތުގައި 300 މިނެޓު ލިބޭނެ ކަމަށެވެ. އަދި ފުރީ އެސްއެމްއެސްގެ ގޮތުގައި 1000 ލިބޭ އިރު ޑޭޓާގެ ގޮތުގައި ދެ ޖީބީ ލިބޭނެ އެވެ. ފޯސްޕެއިޑް ޑައެމަންޑް އިން އުރީދޫގެ ނަމްބަރުތަކަށް އަން ލިމިޓެޑްކޮށް ގުޅޭ އިރު ފުރީ މިނެޓުގެ ގޮތުގައި 1000 މިނެޓު ލިބެ އެވެ. އަދި ފުރީ އެސްއެމްއެސްގެ ގޮތުގައި 1300 ލިބޭ އިރު ޑޭޓާގެ ގޮތުގައި ތިން ޖީބީ ލިބޭނެ އެވެ.

އަދި ޕޯސްޕެއިޑް ޕްލެޓިނަމް އިން އުރީދޫގެ ނަމްބަރުތަކަށް އަން ލިމިޓެޑްކޮށް ގުޅޭ އިރު ފުރީ މިނެޓުގެ ގޮތުގައި 1500 މިނެޓު ލިބެ އެވެ. އަދި ފުރީ އެސްއެމްއެސްގެ ގޮތުގައި 1500 ލިބޭއިރު ޑޭޓާގެ ގޮތުގައި 3.5 ޖީބީ ލިބެ އެވެ.