އިރުމަތި އަވަށު ޕްރީސްކޫލް ގެ “ސިމްބަލް ޝޯ” ބާއްވައިފި

Nov 5, 2014

އިރުމަތި އަވަށު ޕްރީސްކޫލުން އިންތިޒާމް ކޮށްގެން ކޮންމެ އަހަރަކުވެސް ބާއްވަމުން އަންނަ “ސިމްބަލް ޝޯ” ބާއްވައިފި އެވެ.

އެ ސްކޫލްގެ ޔޫކޭޖީގެ ދަރިވަރުންނަށް އަމާޒުކޮށްގެން ކޮންމެ އަހަރަކުވެސް ކުރިއަށް ގެންދާ މި ކޮންސެޓް ފައްޓަވައި ދެއްވީ ޖަލާލުއްދީން ސްކޫލްގެ ލީޑިން ޓީޗަރ ޝަރީފާ އަލީ އެވެ.

ކޮންސެޓް ފެށުމުގެ ރަސްމިިއްޔާތުގައި ޝަރީފާ އަލީ ދެއްކެވި ވާހަކައިގައި ދަރިވަރުންގެ ހުރި ހުނަރުތައް ދެނެގަތުމަކީ އެކުދިންނަށް ކިޔެވުމަށް އިތުރު ކުރިއެރުން ލިބިގެންދާނެ ކަމެއްކަން ފާހަގަ ކުރެއްވި އެވެ.

އިރުމަތިއަވަށު ޕްރީ ސްކޫލް ހިންގެވުމާ ހަވާލުވެ ހުންނެވި ޝަމީމާ ހުސެއިން ވިދާޅުވީ މި ކޮންސެޓްގެ މަގުސަދަކީ ދަރިވަރުންގެ އިޖްތިމާއީ ގުޅުން ބަދަހިކޮށް ދަރިވަރުންގެ ހުރި ހުނަރުތައް ދައްކާލުމުގެ ފުރުސަތު ހުޅުވާލުން ކަމަށެވެ.

ޖުމްލަ 62 ދަރިވަރަކު ބައިވެރިވި މިކޮންސެޓްގައި ޖުމްލަ 15 އައިޓަމް ވަނީ ހުށަހަޅާފަ އެވެ. އަދި ދަރިވަރުންގެ އިތުރުން ކުލާސް މަންދޫބުންނާއި ސްކޫލްގެ މުވައްޒަފުންވެސް ވަނީ އައިޓަމްތައް ހުށަހަޅާފައި ވެއެވެ.

ދެ ދުވަހުގެ ނިޔަލަށް ކުރިއަށްދިޔަ މި ކޮންސެޓް ކުރިއަށްދިޔައީ ތިލަ ދެކުނު ސިނަމާގަ އެވެ.

މިލިޔުމާއި ގުޅޭ