ނުރަސްމީ ދަތުރުފުޅެއްގައި ރައީސް ޔާމީން މާދަމާ ކުޅުދުއްފުއްޓަށް ވަޑައިގަންނަވަނީ

ނުރަސްމީ ދަތުރުފުޅެއްގައި ރައީސް އަބްދުﷲ ޔާމީން މާދަމާ ކުޅުދުއްފުއްޓަށް ވަޑައިގަތުމަށް ހަމަޖެހިއްޖެ އެވެ.

މި ނޫހަށް މައުލޫމާތު ލިބިފައިވާ ގޮތުގައި ރައީސް ޔާމީން ކުޅުދުއްފުއްޓަށް ވަޑައިގަންނަވަނީ، ހއ. ހޯރަފުށީ ނަރުދަމާގެ މަސައްކަތް އިފްތިތާހު ކޮށްދެއްވުމަށް އެ ރަށަށް ކުރައްވާ ރަސްމީ ދަތުރުފުޅަށްފަހު އެވެ.

ރައީސް ޔާމީން ކުޅުދުއްފުއްޓަށް ވަޑައިގަތުމަށް ހަމަޖެހިފައިވަނީ މާދަމާގެ މެންދުރުފަހުގެ ވަގުތެއްގައި ކަމަށް “ކުޅުދުއްފުށި އޮންލައިނަ”ށް ވަނީ އެނގިފަ އެވެ.

ރައީސް ޔާމީންގެ ވެރިކަމުގައި އެމަނިކުފާނު ކުޅުދުއްފުއްޓަށް ވަޑައިގަންނަވާ ފުރަތަމަ ދަތުރުފުޅުގައި މާދަމާ ރޭ ޕީޕީއެމްގެ ޖަލްސާއެއް ކުޅުދުއްފުށީގައި ބޭއްވުމަށް ހަމަޖެހިފައިވާ ކަމަށް އެ ޕާޓީގެ އިސް އޮފިޝަލަކު ވަނީ މިނޫހަށް މައުލޫމާތު ދީފަ އެވެ.

ރައީސް އަބްދުﷲ ޔާމީންގެ ވެރިކަމަށް އަހަރެއްވާން ކައިރިވެފައިވާއިރު ވެފައިވާ މިއީ އެމަނިކުފާނުގެ ވެރިކަމުގައި އުތުރަށް ކުރައްވާ ފުރަތަމަ ދަތުރުފުޅެވެ.