ވިލާ ކޮލެޖްގެ ފަރާތުން ކުޅުދުއްފުށީގައި މާސްޓަރސް ފަށަނީ

ވިލާ ކޮލެޖްގެ ފަރާތުން މިއަންނަ ޖެނުއަރީގައި ކުޅުދުއްފުށީގައި މާސްޓަރސް ކޯހެއް ފެށުމަށް ހަމަޖެހިއްޖެ އެވެ.

ވިލާކޮލެޖްގެ ސީނިއަރ މާކެޓިން މެނޭޖަރ ނިޒްނާ އަލީ ދީދީ ވިދާޅުވީ ކުޅުދުއްފުށީގައި ފަށަން ހަމަޖެހިފައިވަނީ މާސްޓަރ އޮފް ބިޒްނަސް އެޑްމިނިސްޓްރޭޝަން ކަމަށާއި މި ކޯހާ ބެހޭގޮތުން މައުލޫމާތު ދިނުމަށްޓަކައި މިމަހުގެ 15،14 އަދި 16 ވަނަ ދުވަހު ކުޅުދުއްފުއްޓަށް ދަތުރެއް ހަމަޖެހިފައިވާނެ ކަމަށެވެ.

5 ސެމެސްޓަރއަށް ކުރިއަށް ގެންދާ މި ކޯހުގައި ބައިވެރިވުމަށް އެދޭ ފަރާތްތަކަށް ފޯމް ލުމުގެ ފުރުސަތު ހުޅުވާލާފައިވާ ކަމަށާއި ވިލާ ކޮލެޖްގެ ވެބްސައިޓުގެ އިތުރުން ކުޅުދުއްފުށީގައި ބޭއްވުމަށް ހަމަޖެހިފައިވާ ބައްދަލުވުމުގެ ތެރެއިންވެސް ފޯމް ދޫކުރެވޭނެ ކަމަށް ނިޒްނާ ވިދާޅުވި އެވެ.

ނިޒްނާ ވިދާޅުވީ ކުރިއަށް އޮތްތަނުގައި ތަރުހީބު ލިބުނު ވަރަކުން އިތުރު ކޯސްތައް ކުޅުދުއްފުށީގައި ކުރިއަށް ގެންދަން ހަމަޖެހިފައިވާ ކަމަށެވެ