ނޭޝަނަލް އާރޓް އެގްޒަބިޝަންގައި ޖަލާލުއްދީން ސްކޫލުން ބައިވެރިވަނީ

މި އަހަރުގެ ނޭޝަނަލް އާރޓް އެގްޒަބިޝަންގައި ޖަލާލުއްދީން ސްކޫލުން ބައިވެރިވާ ކަމަށް އެ ސްކޫލުން ބުނެފި އެވެ.

މި ނޫހަށް މައުލޫމާތު ދެއްވަމުން ޖަލާލުއްދީން ސްކޫލްގެ އިންފޮމޭޝަން އޮފިސަރ އަމިނަތު މުހައްމަދު ވިދާޅުވީ ނޭޝަނަލް އާރޓް އެގްޒަބިޝަންގައި މި އަހަރު ޖަލާލުއްދީން ސްކޫލުން ބައިވެރިވުމަށް ހަމަޖެހިފައިވާ ކަމަށާއި އެގްޒަބިޝަނުގައި ބައިވެރިވާނީ އެ ސްކޫލްގެ އާރޓް ކުލަބްގެ 10 ދަރިވަރުން ކަމަށެވެ.

ނޭޝަނަލް އާރޓް އެގްޒަބިޝަން ބޭއްވުމަށް ހަމަޖެހިފައިވަނީ މި މަހުގެ 16،17 އަދި 18 ގަ މާލޭގަ އެވެ.

ޖަލާލުއްދީން ސްކޫލުން 2010 ވަނަ އަހަރުން ފެށިގެންދަނީ ސްކޫލް ފެންވަރުގައި ކޮންމެ އަހަރަކު އާރޓް އެގްޒަބިޝަނެއް ބާއްވަމުންނެވެ. މި އެގްޒަބިޝަނުގައި ޖަލާލުއްދީން ސްކޫލްގެ އާރޓް ކުލަބުގެ ދަރިވަރުންގެ ހުނަރުވެރިކަން ވަރަށް ފުރިހަމައަށް ފެނިގެންދެ އެވެ.