އަމީރު އަމީން ސްކޫލް ޔޫކޭޖީ ދަރިވަރުންގެ ދަސްވެނިވުން ބާއްވައިފި

އަމީރު އަމީން ސްކޫލް ޔޫކޭޖީ ދަރިވަރުންގެ ދަސްވެނިވުން އިއްޔެ ބާއްވައިފި އެވެ.

އަފީފުއްދީން ސްކޫލް ހޯލުގައި ބޭއްވި މިރަސްމިއްޔާތު ޝަރަޕްވެރި ކުރެއްވީ ގައުމީ ޔުނިވާރސިޓީގެ ލެކްޗަރަރ މުހައްމަދު އުމަރެވެ.

އެގޮތުން މިރަސްމިއްޔާތުގައި ވާހަކަފުޅު ދައްވަކަވަމުން މުޙައްމަދު އުމަރު ވަނީ ބެލެނިވެރިންނާ މުހާތަބުކޮށް ދަރިވަރުން ތަރުބިއްޔަތު ކުރާނެގޮތާއި އެކުދިންގެ އަހުލާގަށް އަންނަ ބަދަލުތަކަށް އަލިއަޅުއްވާ ވާހަކަ ދައްކަވާފަ އެވެ. އަދި އެ ސްކޫލް މިހާރު ހިންގެވުމާ ހަވާލުވެ ހުންނެވި އައިޝަތު މުހައްމަދު ވިދާޅުވީ މި އަހަރު އެސްކޫލުން ގްރޭޑް 1 ށް ބަދަލުވާ ދަރިވަރުންގެ ތެރެއިން 80 ޕަސެންޓް ދަރިވަރުންނަކީ ދެބަހުން ވެސް ލިޔަން ކިޔަން ދަންނަ ދަރިވަރުންކަން ފާހަގަ ކޮށްފަ އެވެ.

މިއަހަރު އަމީރު އަމީން ސްކޫލުން ވަނީ 129 ދަރިވަރަކު ގްރޭޑް 1 ށް ބަދަލުވެފަ އެވެ.

މި ރަސްމިއްޔާތުގައި ދަރިވަރުންނަށް ހަނދާނީ ލިޔުން ހަވާލު ކޮށްދެއްވީ ޝަރަފްވެރި މެހްމާން މުޙައްމަދު އުމަރުގެ އިތުރުން ރަށު ކައުންސިލްގެ ރައީސް އަލީ މުހައްމަދާއި ހދ. އޭއީސީ ގެ ޑެޕިއުޓީ ޕްރިންސިޕަލް އަހުމަދު އަބްދުﷲ އާއި ޖަލާލުއްދީން ސްކޫލްގެ ޕްރިންސިޕަލް މަހުދީ ޝާހިދެވެ.

ދަރިވަރުންގެ އިތުރުން ސްކޫލަށް އެކި ގޮތްގޮތުން އެހީތެރިވި ބެލެނިވެރިންނަށް ވެސް ވަނީ ހަނދާނީ ލިއުން ދީފަ އެވެ.

ފޮޓޯ ގެލެރީ