ހަކުރު ބަލީގެ ދުވަސް ފާހަގަކުރުމަށް ކަސްރަތާއެކު ސިއްހީ ހެނދުނުގެ ނާސްތާއެއް

Nov 13, 2014

ދުނިޔޭގެ ހަކުރު ބަލީގެ ދުވަސް ފާހަގަކުރުމަށްޓަކައި ކަސްރަތާއެކު ސިއްހީ ހެނދުނުގެ ނާސްތާއެއް ބޭއްވުމަށް ތައްޔާރުވަމުންދާ ކަމަށް ޕަބްލިކް ހެލްތް ޔުނިޓުން ބުނެފި އެވެ.

ޕަބްލިކް ހެލްތް ޔުނިޓް ފަރާތުން މި ނޫހަށް މައުލޫމާތު ދެއްވަމުން ކުޅުދުއްފުށި ހޮސްޕިޓަލްގެ އެސިސްޓެންޓް ކޮމިއުނިޓީ ހެލްތު އޮފިސަރ ޝަބާނާ އަލީ ވިދާޅުވީ އަންނަ ހުކުރު ދުވަހުގެ ހެނދުނު 7 ން 10 ށް ކަސްރަތާއި އެކިކަހަލަ ކުޅިވަރުތަކާއެކު އަދި ސިއްހަތަށް ރަނގަޅު ކާނާ އެކުލެވޭ ހެނދުނުގެ ނާސްތާއަކާއެކު “ކަސްރަތާއެކު ސިއްހީ ހެނދުނުގެ ނާސްތާ”ގެ ނަމުގައި އިވެންޓެއް ބޭއްވުމަށް ހަމަޖެހިފައިވާ ކަމަށެވެ.

ފަޔާ ބިލްޑިންގ ކުރިމަތީގައިވާ މޫދު ކައިރި ވެލިގަނޑުގައި ހިންގަން ހަމަޖެހިފައިވާ މި ނާސްތާއަށް ހޮސްޕިޓަލްގެ މުވައްޒަފުންނާއި ސަރުކާރާއި އަމިއްލަ އޮފީސްތަކުގެ މުވައްޒަފުންނަށް ދައުވަތު އެރުވޭނެ ކަމަށް ޝަބާނާ ވިދާޅުވި އެވެ. އަދި އޭގެއިތުރުން ކަސްރަތާއި ކުޅިވަރަށް ލޯބިކުރާ އާންމުންނަށްވެސް މި ނާސްތާގައި ބައިވެރިވުމުގެ ފުރުސަތު އޮންނާނެ ކަމަށް އޭނާ ވިދާޅުވި އެވެ.

ރަނގަޅު ކާނާ އެކުލެވޭ ނާސްތާއަކާއެކު ކަސްރަތާއި އެކި ކަހަލަ ކުޅިވަރު ކުޅުމަށް ހަމަޖެހިފައިވާއިރު ހަކުރު ބައްޔާބެހޭ މައުލޫމާތުވެސް މި އިވެންޓްގައި ދެވޭނެ ކަމަށް ޕަބްލިކް ހެލްތުން މައުލޫމާތުދެ އެވެ.

މި ދުވަސް ފާހަގަކުރުމުގެ ގޮތުން މާލޭގެ ސަލްޓަން ޕާރކްގައިވެސް ސިއްހަތަށް ފައިދާހުރި ނާސްތާއެއް އޮންނާނެ އެވެ.

މިއަހަރުގެ ހަކުރު ބަލީގެ ދުވަހުގެ ޝިއާރަކީ “ގޯ ބްލޫ ފޯ ބްރެކްފާސްޓް” އެވެ.

މިލިޔުމާއި ގުޅޭ