ހަކުރު ބަލީގެ ދުވަސް ފާހަގަ ކުރުމުގެ ގޮތުން މިއަދު ޕަބްލިކް ހެލްތް ޔުނިޓްގެ ފަރާތުން ހާއްސަ ނާސްތާއެއް ބާއްވައިފި އެވެ.
“ކަސްރަތާ އެކު ސިއްހީ ހެނދުނުގެ ނާސްތާއެއް” ގެ ނަމުގައި ފަޔާރ ބިލްޑިން ކުރިމަތީގައި ގޮނޑުދިށުގައި ކުރިއަށް ގެންދިޔަ މި އިވެންޓަގައި ހަކުރު ބަލީގެ މައުލޫމާތު ދިނުމާއެކު އެކި ކުޅިވަރުތައް ކުޅެފައި ވެއެވެ. އަދި ދުވަހު ހާއްސަ ނާސްތާ އެއްވެސް ކުރިއަށް ގެންދިޔަ އެވެ.
މި އިވެންޓް ފެށިގެން ދިޔައީ ކަސްރަތުގެ ހަރަކާތްތަކަކާއެކު އެވެ. އެގޮތުން ކޮންމެ ދުވަހަކުވެސް އާންމުކޮށް ކުރެވޭނެ ކަސްރަތުތައް ވަނީ ދަސްކޮށްދީފަ އެވެ. އޭގެ އިތުރުން މޫދު ގައި ކުރެވިދާނެ ކަސްރަތުތަކެއްވެސް ވަނީ ދަސްކޮށްދީފަ އެވެ.
މި އިވެންޓްގެ މަގުސަދަކީ ހަކުރު ބަލިޖެހެން ޖެހުމަަށް މަގުފައިވާ ކަންކަމުން ދުރުވެ ހަށިގަނޑު ރަގަނޅު ސިއްހަތެއްގައި ބެހެއްޓުމަށް މަގުފަހިކުރުމެވެ.
މިހަރަކާތުގައި ގިނަ އަދަދެއްގެ އޮފީސް ތަކުންނާއި އާންމުންވެސް ވަނީ ބައިވެރިވެފަ އެވެ.
[yass cats=144]
