އަފީފުއްދީން ސްކޫލުގެ ޘާނަވީ ތައުލީމު ނިންމި ދަރިވަރުންގެ ދަސްވެނިވުން ބާއްވައިފި

އަފީފުއްދީން ސްކޫލުގެ ޘާނަވީ ތައުލީމު ނިންމި ދަރިވަރުންގެ ދަސްވެނިވުން ރޭ ބާއްވައިފި އެވެ.

އަފީފުއްދީން ސްކޫލްގެ 52 ދަރިވަރަކު ވަނީ ދަސްވެނިވިކަމުގެ ލިޔުން ހާސިލުކޮށްފަ އެވެ.

އަފީފުއްދީން ސްކޫލްގައި މި ކަމަށްޓަކައި ރޭ ބޭއްވި ހާއްސަ ހަފުލާ ޝަރަފުވެރިކޮށްދެއްވާ ގައުމީ ޔުނިވަރސިޓީގެ ލެކްޗަރާ މުހައްމަދު ހުސެއިން ވިދާޅުވީ ދިރިއުޅުމަށް ބޭނުންވާ ހުނަރާއި ފަންނު އުނގެނި އެ ކުއްޖަކު ކުރިއަށްދާން ބޭނުންވާ ދާއިރާއަކުން އިތުރަށް ކިޔެވުމަށާއި ލިބިފައިވާ ފުރުސަތުތައް ގެއްލުވާނުލައި އެ ފުރުސަތުތަކުގެ ބޭނުންހިފުމަށެވެ.

“ދިރިއުޅުމުގެ ހަޔާތް ނިކުންނައިރުގަ ދިރިއުޅުމަށް ބޭނުންވާ ހުނަރާއި ތަމްރީނުތަކާއި ވައްޓަފާޅި އެނގެންޖެހޭ. އަބަދު ހީނުކުރާތީ މައިންބަފައިން ކައިރީގަ ތިބޭނޭ. ދިރިއުޅުމަށްޓަކައި އެހެން ގެއަކަށް ދާންޖެހިދާނެ އެހެން ރަށަކަށް ދާންޖެހިދާނެ އެހެން ގައުމަކަށްވެސް. މިހެން ދިމާވާ ހާލަތްތަކުގައި ތިޔަކުދިނަށް އެނގެން އެބަޖެހޭ ދިރިއުޅުމަށް ބޭނުންވާ ހުނަރާއި ފަންނާއި ދިރިއުޅުމުގެ ވައްޓަފާޅި އާއި އާދަކާތަ ނޭނގިއްޖެ ކަމަށްވާންޏާ ވަރަށް އަވަހަށް ފެއިލް ވާނެ. އެހެން ކަމުން މި ކަމަށްޓަކައި މިހާރުންސުރެ ތައްޔާރުވާން އެބަޖެހޭ. މުހައްމަދު ހުސެއިން ވިދާޅުވި އެވެ.

ޝޭޝް އާއި ސެޓްފިކެޓް ހަވާލުކޮށްދެއްވީ މި ހަފުލާތަކުގެ ޝަރަފުވެރި މެހެމާނުން މުހައްމަދު ހުސެއިނެވެ.

އަފީފުއްދީން ސްކޫލްގެ ސްކޫލްގެ އިސްވެރިންނާއި ޓީޗަރުން އަދި ދަސްވެނިވުނު ދަރިވަރުންގެ ބެލެނިވެރިން މިރަސްމިއްޔާތުގައި ބައިވެރިވި އެވެ.

ސާނަވީ ދަރިވަރުންގެ އޯލެވެލް އިމްތިހާނުގެ އެންމެ ފަހު އިމްތިހާން ހަދާފައިވަނީ އިއްޔެ އެވެ.

[yass cats=145]