އުތުރުގެ ތިން އަތޮޅުގައި 4 ރިޒޯޓެއް ތަރައްޤީކުރުމަށް ޝައުޤުވެރިވާ ފަރާތްތައް ހޯދުމަށް އިއުލާން ކޮށްފި

Nov 17, 2014

ހއ ހދ އަދި ށ އަތޮޅުގައި ރިޒޯޓު ތަރައްގީކުރުމަށް ޝައުގުވެރިވާ ފަރާތްތައް ހޯދުމަށް ޓޫރިޒަމް މިނިސްޓްރީން އިއުލާންކޮށްފި އެވެ.

އެމިނިސްޓްރީން މިއަދު އާއްމުކުރި އިއުލާނެއްގައި ބުނެފައިވަނީ ރާއްޖޭގެ އެންމެ އުތުރުގެ 3 އަތޮޅުގައި ރިޒޯޓް ތަރައްގީކުރުމަށް ބޭނުންވާ ފަރާތަކުން އެކަން ހާމަކޮށް ލިޔުމަކުން އެމިނިސްޓްރީއަށް ހުށަހެޅުމަށް ކަމަށެވެ.

ފަތުރުވެރިކަމަށް ތަރައްގީކުރުމަށް ކަނޑައަޅާ އާއްމުކޮށްފައިވާ ރަށްތަކަކީ ހއ އަތޮޅުން ހއ މާފިނޮޅާއި އިންނަފިނޮޅެވެ. ހދ އަތޮޅުން މަކުނުދޫ ފަޅުގައި އޮންނަ ދިއްޕަރުފުއްޓެވެ. އަދި ށ އަތޮޅުން ބޮލިއްސަފަރެވެ.

ދިއްޕަރުފުއްޓަކީ ފަތުރުވެރިކަން ތަރައްގީ ކުރާ ރަށެއްކަން ރައީސް ޔާމީން ވަނީ ކުޅުދުއްފުއްޓަށް ކުރެއްވި ދަތުރުފުޅުގައި އިއުލާން ކުރައްވާފަ އެވެ.

ބިޑު ހުށަހެޅުމަށް ޝައުގުވެރިވާ ފަރާތަކުން ޑިސެމްބަރު 1 ވަނަ ދުވަހުގެ 14:00 ގެ ކުރިން ޓޫރިޒަމް މިނިސްޓްރީއަށް އެކަމާ ބެހޭ ލިޔުންތައް ހުށަހެޅުމަށް އެފަރާތުން އެދެ އެވެ.

މިލިޔުމާއި ގުޅޭ