6 އަހަރު ދުވަހަށްފަހު ޝާހުރުކާއި ސަލްމާންގެ ރުޅިވެރިކަން ނިމުމަކަަށް

6 އަހަރު ދުވަހަށްފަހު ޝާހުރުކް ހާން ސަލްމާން ހާންގެ ގެއަށް ގޮސްފި އެވެ.

ސަލްމާން ހާންގެ އަންހެން ކޮއްކޮ އަރުޕިޓާ ހާންގެ ކައިވެނީގެ ކުރިން ބޭއްވި ހަފުލާއަކަށް ޝާހުރުކް ސަލްމާންގެ ގެ ކަމަށްވާ ގެލްކްސީއަށް ގޮސްފައިމިވަނީ 6 އަހަރަށްފަހު އެވެ.

ސަލްމާން އާއި ޝާހުރުކްގެ ރުޅިވެރިކަން ފެށިފައިވަނީ މީގެ 6 އަހަރުކުރިން ކެޓްރީނާ ކައިފްގެ އުފަންދުވަހުގެ ޕާޓީގައި ދެމީހުންގެ ދޭތެރޭވި އަރާރުމަކަށްފަހު އެވެ. މި ހާދިސާއަށްފަހު ކެޓްރީނާ ވަނީ އުފަންދުވަސް ކުލަގަދަކޮށް ފާހަގަކުރުން ހުއްޓާލާފައިކަންވެސް ފާހަގަކޮށްލެވެ އެވެ.

ބޮލީވުޑްގެ އެންމެ މަޝްހޫރު މި ދެ ތަރިންނަކީ ކުރީގައި ވަރަށް ގާތް ރަހުމަތްތެރިންނެވެ. މި ހާދިސާއަށްފަހު ރަހުމަތްތެރިކަން ނެތިގޮސް އެކަކު އަނެއްކަކަށް ބަހުގެ ހޫނު ހަމަލާތައްވެސް މީގެކުރިންދީފައިވެ އެވެ. އަދި އެދެމީހުންނަކީ ރަހުމަތްތެރިން ނޫން ކަމަށްވެސް ބުނެފައިވެ އެވެ.

ނަމަވެސް ރޭގައި ފެނިގެންދިޔައީ މި ދެ ތަރިން އެކުގައި އަރްޕިތާ އާއެކު މީޑިޔާގެ ކުރިމައްޗަށް ނިކުތްތަނެވެ. ޝާހުރުކް ބުނެފައިވަނީ އަރްޕިތާއަކީ އޭނާގެވެސް ކޮއްކޮއެއް ކަމަށާއި އަރްޕިތާ ދެކެ އޭނަ ވަރަށް ލޯބިވާ ކަމަށެވެ.

ރޭގެ މި ހަފުލާ ނިންމާފައިވާ މި ދެ ތަރިން އެކުގައި ވަރަށް ގިނަ ވަގުތު ހޭދަކޮށްފައިވެ އެވެ. އަދި މީޑިޔާގެ ކެމެރާތަކަށް ފިލަން އުޅިފައިވެސް ނުވެ އެވެ. އަދި ރުޅިވެރިކަން ދޫކޮށްލާ ސަލްމާން އާއި ޝާހުރުކް ވަނީ ރަހުމަތްތެރިވެފަ އެވެ.

އިންޑިޔާގައި ގިނަ ބަޔަކު މިކަމާ އުފާ ފާޅުކުރަމުންދާއިރު މި ދެ ތަރިންގެ ރުޅިވެރިކަން ދޫކޮށްލުމަކީ މި ދެ ތަރިންގެ ސަޕޯޓަރުން އެދިއެދި ތިބި ކަމެކެވެ.

އަރްޕިތާ ހާންގެ މާދަމާ ކައިވެނި ކުރާއިރު މި ހަފުލާއަށް އިންޑިޔާގެ ބޮޑު ވަޒީރާއި އިންޑިޔާގެ ރައީސް ވެސް ހާޒިރުވާނެ ކަމަށް ހަބަރު ލިބެ އެވެ. އަދި މީގެ އިތުން ހައދަރުއާބާދުގައި އޮންނަ މި ކުލަގަދަ ކައިވެނީގެ ހަފުލާއަށް ބޮލީވުޑް ހުރިހާ ބޮޑެތި ތަރިންނަށް ދައުވަތުދީފައިވާއިރު މި ހަފުލާއިން ތިން ހާން ކަމަށްވާ ސަލްމާން، ޝާހުރުކް އަދި އާމިރު އެކުގައި ފެނިގެންދާނެ ކަމަށް އިންޑިޔާގެ ނޫސްތައް ބުނެ އެވެ.