ގައުމީ ދެ މުބާރާތެއްގެ ރަން ވަނަތަކެއް އިހަވަންދޫ މަދަރުސާ ހޯދައިފި

ދިވެހިބަހުގެ އެކަޑަމީއިން އިންތިޒާމު ކޮށްގެން މި އަހަރު ބޭއްވި ވާހަކަ ލިޔުމުގެ ގައުމީ މުބާރާތާއި މަޒުމޫނު ލިޔުމުގެ ގައުމީ މުބާރާތުން އިހަވަންދޫ މަދަރުސާއަށް ރަން ވަނަތަކެއް ލިބިއްޖެ އެވެ.

އެގޮތުން އިހަވަންދޫ މަދަރުސާ ވަނީ ގައުމީ ކުރުވާހަކަ ލިޔުމުގެ މުބާރާތުން 13 އަހަރާ 16 އަހަރާ ދެމެދުގެ އުމުރުފުރާއިން 1 ވަނަ ހޯދާފަ އެވެ. އަދި ގައުމީ މަޒުމޫނު ލިޔުމުގެ މުބާރާތުން 16 އަހަރާ 21 އަހަރާ ދެމެދުގެ އުމުރުފުރާއިން 3 ވަނަ ހޯދާފައި ވަނީވެސް އިހަވަންދޫ މަދަރުސާ އެވެ.

މީގެއިތުރުން ގައުމީ މަޒުމޫނު ލިޔުމުގެ މުބާރާތުން 16 އަހަރާ 21 އަހަރާ ދެމެދުގެ އުމުރުފުރާއިން 2 ވަނަ އިހަވަންދޫ މަދަރުސާގެ 12 ބީގެ ދަރިވަރު ފާތިމަތު ނާޒްނީން ހޯދާފައިވާއިރު މި އުމުރުފުރާއިން 3 ވަނަ ހޯދާފައިވަނީވެސް ހަމަ އެ ސްކޫލްގެ 11 ބީގެ ދަރިވަރު އިސްމާއިލް ޝިޔާޒް އެވެ.

މި އަހަރުގެ ގައުމީ ކުރުވާހަކަ ލިޔުމުގެ މުބާރާތާއި މަޒުމޫނު ލިޔުމުގެ މުބާރާތާ ބާއްވާފައި ވަނީ 24 އޭޕްރީލް ގައެވެ.