ކުޅުދުއްފުށީގައި 24 ގަޑިއިރު ހިދުމަތްދޭ ފުރަތަމަ ޓެކްސީ ސެންޓަރ އިއްޔެ ރަސްމީކޮށް ހުޅުވައިފި އެވެ.
ގްރީން ޓެކްސީ ސާރވިސްގެ ނަމުގައި ހުޅުވި މި ސެންޓަރ ހުޅުއްވައިދެއްވީ ހދ އަތޮޅު ކައުންސިލްގެ ނައިބު ރައީސް އަހުމަދު އާތިފް އެވެ.
މި ރަސްމިޔާތުގައި އާތިފް ދެއްކެވި ވާހަކަފުޅުގައި ކުޅުދުއްފުށީގެ މަގުތައް ރަނގަޅު ފެންވަރަކަށް ހެދިފައިނުވުމުގެ ސަބަބުން މިފަދަ ކަމެއް ހިންގުމަށް ދަތިތަކެއް ކުރިމަތިވާނެ ކަމަށާއި އެ ދަތިތަކާއެކުވެސް މިފަދަ ހިދުމަތެއް ފޯރުކޮށްދޭތީވެ ގްރީން ޓެކްސީގެ ހިދުމަތަށް ޝުކުރުއަދާ ކުރެއްވި އެވެ.
ރާއްޖޭގައި ހަދާ ހުރިހާ ގާނޫނެއް މާލެއަށް ބިނާކޮށްގެން ހެދުމަކީ ވަރަށް ހިތާމަހުރި ކަމެއް ކަމަށާއި އެގޮތުން ކާރުތަކަށް ދައްކަންޖެހޭ ފައިސާ މާލެއެކޭ އެއްވަރަކަށް ކުޅުދުއްފުށީގެ ޑްރައިވަރުންނަށްވެސް ދައްކަންޖެހޭ ކަމަށާއި ނަމަވެސް މަގުތަކުގެ ހާލަތުހުރި ގޮތުން މަރާމާތަށްދާ ހަރަދު މާބޮޑު ކަމަށްވެސް އާތިފް ވިދާޅުވި އެވެ.
އާތިފް ވިދާޅުވީ މާލެއަށް ވިސްނައިގެން ހަދާ ގަނޫނުތައް އެހެން ތަންތަނަށް ތަންފީޒުކުރުމަށް އުނދަގޫވެގެންދާ ކަމަށާއި އެހެންކަމުން އުއްމީދަކީ ދުނިޔޭގެ އެހެން ގައުމުތަކުގައިވެސް ކަންކުރާ އުސޫލުން ރާއްޖޭގައިވެސް އެތަނަކާ ގުޅޭގޮތަށް ގާނޫނާއި ގަވައިދުތައް ހެދޭނެ ދުވަހެއް ފެނުން ކަމަށެވެ.
މި ސެންޓަރުގެ ހިދުމަތްދޭން ފަށާފައިވަނީ މި އަހަރުގެ ސެޕްޓެންބަރ މަހުގެ 24 ވަނަ ދުވަހު އެވެ. މިއަދު ރަސްމީކޮށް މި ސެންޓަރ ހުޅުވިގެންދިޔައިރު މިއަދު ވަނީ އެ ސެންޓަރަށް ގުޅި 3000 ވަނަ ކަސްޓަމަރަށް ހިލޭ 10 ދަތުރުކުރެވޭނެ ވައުޗަރެއް ހަވާލުކޮށްފަ އެވެ. އަދި އެ ސެންޓަރަށް ގުޅި 6000 ވަނަ ކަސްޓަމަރަށް ވަނީ ހިލޭ 15 ދަތުރުކުރެވޭނެ ވައުޗަރެއް ހަދިޔާކޮށްފަ އެވެ. ވައުޗަރުތައް ހަވާލުކޮށްދެއްވީ އަހުމަދު އާތިފް އެވެ.
މިއަދާ ހަމައަށް އެ ސެންޓަރުން 7450 ކަސްޓަމަރުން ހިދުމަތް ހޯދާފައިވައިރު ކުރިމަގުގައިވެސް މިފަދަ އެތަކެއް ވައުޗަރުތަކެއް އެ ސެންޓަރުން ކަސްޓަމަރުންނަށް ދިނުމަށް ނިންމާފައިވާ ކަމަށް އެ ސެންޓަރުން މައުލޫމާތުދިނެވެ.
ގްރީން ޓެކްސީގެ އަމާޒަކީ ޓެކްސީއެއް ހޯދުމަށްޓަކައި ކޯލްސެންޓަރަށް ގުޅާތާ ލަސްވެގެން ފަސް މިނެޓް ތެރޭގައި ކުޅުދުއްފުށީގެ ކޮންމެ ތަނަކަށް ކޮންމެ ވަގުތެއްގައިވެސް ހިދުމަތް ފޯރުކޮށްދެވޭވަރަށް ޓެކްސީގެ ހިދުމަތް ތަރައްގީ ކުރުން ކަމަށް އެ ސެންޓަރުން މައުލޫމާތުދިނެވެ.
[yass cats=150]
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
