ސަރުކާރުގެ ބޯހިޔާވެހިކަމުގެ ޕްރޮގްރާމުގެ ދަށުން ކުޅުދުއްފުށީގައި އިމާރަތްކުރި 25 ހައުސިން ޔުނިޓްގެ ތެރެއިން ނިމިފައިވާ 15 ހައުންސިން ޔުނިޓްގެ ތަޅުދަނޑި އާއި އިވެންޓްރީ ކުޅުދުއްފުށި ކައުންސިލާ ހަވާލުކޮށްފި އެވެ.
އެކަމަށްޓަކައި އޮތް ރަސްމިޔާތެއްގައި މިތަކެތި ހަވާލުކޮށްދެއްވީ ހައުންސިން މިނިސްޓްރީގެ ކޯޑިނޭޓަރ މުހައްމަދު ޖަމްޝީދެވެ. އަދި ތަކެއްޗާ ހަވާލުވެލެއްވީ ކުޅުދުއްފުށި ކައުންސިލްގެ ރައީސް އަލީ މުހައްމަދެވެ.
ކައުންސިލުން ބުނީ މިއަދު ފެށިގެން އެ ހައުސިންގ ޔުނިޓްތަކުގެ ސެކިއުރިޓީ ބަލަހައްޓަމުންދާނެ ކަމަށެވެ .
ޖަލާލުއްދީން ސްކޫލް ކައިރީގައި އެޗްޑީސީން އިމާރާތްކޮށްފައިވާ މި ހައުންސިން ޔުނިޓްތަކުގެ ތެރެއިން ބާކީ ނުނިމިހުރި 10 ހައުންސިން ޔުނިޓް އަންނަ ފެބްރުއަރީ މަހުގެ ތެރޭގައި ނިންމާލެވޭވަރުވާނެ ކަމަށް ކައުންސިލުން މައުލޫމާތުދެ އެވެ.
