ދުނިޔޭގެ ދެވަނައަށް އެންމެ ބޮޑު ބޭންކް ކަމަށްވާ އެޗްއެސްބީސީގެ އެކައުންޓުތަކެއް ޓާކީގެ ‘ރެޑްހެކް’ގެ ނަމުން މަޝްހޫރު ވެފައިވާ ގުރޫޕަކުން ހެކްކޮށްފި އެވެ.
ބޭންކުގެ އެކައުންޓުތައް ހެކްވެފައިވާ ކަމަށް އެބޭންކުން އާންމު ކޮށްފައިވަނީ މިމަހުގެ 12 ވަނަ ދުވަހު އެވެ. ހެކުކުރުމުގެ ސަބަބުން ބޭންކުގެ 2.65 މިލިއަން ކްލައިންޓުންނާއި ކަސްޓަމަރުންގެ މައުލޫމާތުތައް ވަނީ ލީކުކޮށްފަ އެވެ.
ކްލައިންޓުންނާއި ކަސްޓަމަރުންގެ އަމިއްލަ މައުލޫމާތު ތަކުގެ އިތުރުން ކުރެޑިޓް ކާޑުގެ މައުލޫމާތުތައް ވެސް ވަނީ ލީކުކޮށްފަ އެވެ. އޭގެ ތެރޭގައި ކުލައިންޓުންގެ ނަމާއި ކްރެޑިޓް އަދި ޑެބިޓް ކާޑުގެ މުހިންމު މައުލޫމާތުތަކުގެ އިތުރުން ގުޅިފައިހުރި އެކައުންޓު ތަކުގެ މައުލޫމާތު ހިމެނެ އެވެ.
ނަމަވެސް މިކަމުގެ ސަބަބަން އެއްވެސް ކަސްޓަމަރަކަށް ނުވަތަ ކުލައިންޓަކަށް މާލީ ގެއްލުމެއް ނުވާނެ ކަމަށް އެބޭންކުން ބުނެ އެވެ. އަދި މިހާތަނަށް އެ މައުލޫމާތު ނަހަމަ ގޮތަކަށް ބޭނުންކުރެވިފައިވާ ކަމުގެ އެއްވެސް ނިސާނެއް ފެންނާކަށް ނެތެވެ.
އެހެންކަމުން އެޗްއެސްބީސީއިންވަނީ ޕްރެސް ކޮންފަރެންސެއްގައި ކަސްޓަމަރުން އާދައިގެ މަތިން ބޭންކުގެ ހިދުމަތްތައް ބޭނުން ކުރަމުން ގެންދިޔުމަށް އެދިފަ އެވެ. އަދި އޮންލައިންކޮށް ވިޔަފާރި ކުރުމުގެ ސަމާލުވުމަށާއި ކާޑުގެ މުއާމަލާތްތައް ބަލާ އެއްވެސް ކަހަލަ މައްސަލައެއް ހުންނަ ކަމަށް ޝައްކުކުރެވޭނެމަ ރިޕޯޓު ކުރުމަށް ވަނީ އެދިފަ އެވެ.
ބޭންކުން ޔަގީންކަންދޭ ގޮތުގައި އެކައުންޓުތަކާއި ޑިޕޮސިޓްގެ މައުލޫމާތުތައް މިހާރު ރައްކާތެރިކަމާއެކު ބެލެހެއްޓިފައިވާނެ ކަމަށެވެ. އެއީ ބޭންކުގެ ސިސްޓަމްތައް ހެކްވުމާ ވިދިގެން އަޕްޑޭޓް ކުރެވިފައިވާތީ ކަމަށެވެ.
އެޗްއެސްބީސީއަށް އެކައުންޓުތައް ހެކްވެފައިވާކަން އެނގިފައިވަނީ ނެޓުވޯކުގެ ސެކިއުރިޓީ ބެލެހެއްޓުމުގެ ތެރެއިންނެވެ.
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
