ގެއްލުނު އަންހެން މީހާ 22 ގަޑިއިރަށް ފަހު ފުއްޓަރުން ފެނިއްޖެ

Nov 29, 2014

ކުޅުދުއްފުށިން އިއްޔެ ގެއްލިގެން ހޯދަމުންދިޔަ 46 އަހަރުގެ އަންހެން މީހާ މިއަދު ފެނިއްޖެ އެވެ.

ކުޅުދުއްފުށިން އިއްޔެ ގެއްލިގެން ހޯދަމުން ދިޔައީ ފިލިގަސްދޮށުގޭ، ހައްވާ ގާސިމެވެ.

ފުލުހުންގެ މީޑިއާ އޮފިޝަލް ވިދާޅުވީ ސިފައިންނާއި އާއްމުން އަދި ފުލުހުން ގުޅިގެން ކުރި މަސައްކަތުން އޭނާ ފެނިފައިވަނީ މިއަދު ހެނދުނު 9:15 އެހާއިރު ކަމަށެވެ.

އަދި އޭނާ ފެނިފައިވަނީ ކުޅުދުއްފުށީ އިރުއުތުރު ފަރާތުން ފުއްޓަރުމަތީގައި އިށީދެލައިގެން އިދަން ކަމަށް ފުލުހުން މައުލޫމާތުދެ އެވެ. އަދި އޭނާ ފެނުނުއިރު ހާލު ރަގަޅުކަމަށް އެފަރާތުން ބުނެ އެވެ.

އިއްޔެ މެންދުރުގެ ވަގުތެއްގައި ވީނުވީ އެއް ނޭގި ހައްވާ ގާސިމް ގެއްލުނުކަން ކަމާބެހޭ ފަރާތަކަށް އާއިލާއިން ރިޕޯޓްކޮށްފައިވަނީ ރޭގެ ވަގުތެއްގައި އެވެ.

މިލިޔުމާއި ގުޅޭ