ކުޅުދުއްފުށީ ސްކޫލުތަކަށް ގުރޭޑް އެކަކަށް އަންނަ އަހަރަށް ވަތް ކުދިންގެ އަދަދު އިތުރުވެއްޖެ

ކުޅުދުއްފުށީގެ ސްކޫލުތަކުގައި މި އަހަރު ގުރޭޑް އެކެއްގައި ކިޔެވި ދަރިވަރުންނަން ވުރެ އަންނަ އަހަރު ގުރޭޑް އެކަކަށް ވަތް ކުދިންގެ އަދަދު އިތުރު ވެއްޖެ އެވެ.

އެގޮތުން އަފީފުއްދީން ސްކޫލަށް މި އަހަރު އަލަށް ގްރޭޑް 1 ށް ވަދެފައިވަނީ ޖުމްލަ 72 ދަރިވަރުންނެވެ. މި އަހަރުގެ އެސްކޫލުގައި ގުރޭޑް އެކެއްގެ ކިޔެވީ 62 ކުދިންނެވެ.

މިދިޔަ އަހަރު އޭއީސީގައި 119 ދަރިވަރަކު ގްރޭޑް އެކެއްގައި ތައުލީމް ހާސިލްކޮށްފައިވާއިރު އަންނަ އަހަރު ގުރޭޑް އެކަކަށް 124 ދަރިވަރަކު ވަނީ އަލަށް އެ ސްކޫލާ ގުޅިފަ އެވެ.

ގުރޭޑް އެކަކަށް ކުދިން ވެދުމުގެ ފުރުސަތު މިދިޔަ ނޮވެމްބަރު މަހުގެ ތެރޭގައިވަނީ ހަމަވެފަ އެވެ. ނިސްބަތުން މުޅި ރާއްޖޭގައި ވެސް ގުރޭޑް އެކަކަށް އަންނަ އަހަރު ކިޔަވާ ކުދިންގެ އަދަދު މި އަހަރަށް ވުރެ އިތުރުވެފައިވާ ކަމަށް އެޑިއުކޭޝަން މިނިސްޓްރީން ބުނެ އެވެ.