ލޯފަން ކުދިންނަށް ތައުލީމް ހާސިލްކުރެވޭނެ އިންސްޓިޓިއުޝަނެއް ގާއިމު ކުރާނަން: ލޯފަން ކުދިންގެ ޖަމިއްޔާގެ ރައީސް

ލޯފަން ކުދިންނަށް ތައުލީމް ހާސިލްކުރެވޭނެ އިންސްޓިޓިއުޝަނެއް ( ބުލައިންޑް އިންސްޓިޓިއުޝަނެއް) ގާއިމް ކުރުމުގެ މަސައްކަތް ކުރަމުން އަންނަ ކަމަށް އެޖަމިއްޔާގެ ރައީސް މުހައްމަދު މާޒިން ވިދާޅުވެއްޖެ އެވެ.

ބައިނަލް އަގުވަމީ ނުކުޅެދުންތެރިކަން ހުންނަ ފަރާތްތަކުގެ ދުވަސް ފާހަގަކުރުމުގެ ގޮތުން ލޯފަން ކުދިންގެ ޖަމިއްޔާއިން ރޭ ހދ ކުރިނބީގައި ބޭއްވި ޖަލްސާގައި ވާހަކަ ދައްކަވަމުން މާޒިން ވިދާޅުވީ ލޯފަން ކުދިންނަން ކިޔެވޭނެ ފުރުސަތެއް ހޯދުމަކީ އެޖަމިއްޔާގެ ހުރިހާ މެމްބަރުން ވަރަށް ބޭނުންވެފައިވާ ކަމެއްކަމަށެވެ.

އޭނާ ވިދާޅުވީ ބުލައިންޑް އިންސްޓިޓިއުޝަނެއް ވުޖޫދަށް ގެނައުމުގެ މަސައްކަތް ވަރަށް ބާރަށް ކުރިއަށްދާކަމަށާއި އެގޮތުން އަންނަ އަހަރު ޖެނުއަރީ ނުވަތަ ފެބްރުއަރީ މަހުގެ ތެރޭގައި އެޕްރޮޖެކްޓް ފެށި ލޯފަންކުދިންނަށް ކިޔެވޭނެ ގޮތެއް ހޯދައިދޭނެ ކަމަށެވެ

މާޒިން ވިދާޅުވީ 76000 ޔޫއެސް ޑޮލަރު އެކަމަށް ހަމަޖެހިފައިވާ ކަމަށާއި ބޭރުގެ އެކި ގައުމުތަކުގެ އެހީ އިންސްޓިޓިއުޝަން ގާއިމްކުރުމަށް ލިބެމުންދާ ކަމަށެވެ.

ރޭ ވަނީ ލޯފަން ޖަމިއްޔާއިން ކުރިނބީގައި ކުރިއަށްގެންދިޔަ މަދަހަ މުބާރާތުގެ ނަތީޖާފާޅުކުރުންވެސް ބާއްވާފަ އެވެ. މަދަހަ މުބާރާތު އެންވަނަ ލިބިފައިވަނީ ކުރިނބީ މުސްތަރީގެ،ލަމްހާ މުހައްމަދެވެ. ދެވަނަ އެރަށު އާމަގުގެ، ލަމްޔާ އަލީއަށް ލިބިފައިވާއިރު 3 ވަނަލިބިފައިވަނީ ކުރިނބީ،ޕެނަމާ ސައުޝަން އަބުދުﷲ އެވެ

ލޯފަން ކުދިންގެ ޖަމިއްޔާއިން ނުކުޅެދުންތެރިކަން ހުންނަ ފަރާތަކުގެ ދުވަސް ފާހަގަކުރުމުގެ ގޮތުން މިމަހުގެ އެކަކުން ހަތަރަކަށް ހދ. ކުރިނބީގައި އެކި ހަރަކާތްތައް ކުރިއަށްގެންގޮސްފައިވެ އެވެ.

[yass cats=153]