އެމްޑީޕީއިން ކަނޑައެޅި އުސޫލުގެ މަތިން ވިޔަފާރިއަށް ކައުންސިލް ބަދަލުކުރުމަށް ތައްޔާރުވަމުން މިދަނީ: ކައުންސިލުގެ ރައީސް

އެމްޑީޕީއިން ކަނޑައެޅި އުސޫލުގެ މަތިން ވިޔަފާރިއަށް ކުޅުދުއްފުށީ ކައުންސިލު ބަދަލުކުރުމުގެ ވިސްނުން ގެނެސް އެމަސައްކަތް އެގޮތަށް ކުރުމަށް ތައްޔާރުވަމުން އަންނަކަމަށް ކުޅުދުއްފުށީ ކައުންސިލުންގެ ރައީސް އަލީ މުހައްމަދު ވިދާޅުވެއްޖެ އެވެ

އަލީ މިހެއް ވިދާޅުވީ ރޭ އެމްޑީޕީ ކުޅުދުއްފުށީ ބަނޑާރަމައިދާނާ ދިމާ ވެލިގަނޑުގައި ބޭއްވި ޖަލްސާގައި ވާހަކަ ދައްކަވަމުންނެވެ.

“ލާމަރުކަޒީ އުސޫލުން ކައުންސިލްތައް ހިނގަމުންދާއިރު ވަރަށް ގިނަ ބޭފުޅުން ސުވާލު އުއްފަދާ ކައުންސިލުން މިވެނިކަމެއް ނުކުރަނީ ކީއްވެތޯ، ކައުންސިލުން އެވެނިކަމެއް ނުކުރަނީ ކީއްވެތޯ. އަޅުގަނޑު ދަންނަވާލަން ބޭނުންވަނީ ދަތިތަކެއް އެބަހުއްޓޭ އަޅުގަނޑުމެނަން.ހާއްސަކޮށް ބަޖެޓްގެ ދަތިކަން. ފައިސާގެ ދަތިކަން” އަލީ ވިދާޅުވި އެވެ.

އެހެން ކަމުން ” އެމްޑީޕީއިން ކަނޑައެޅި އުސޫލުގެ މަތިން ވިޔަފާރިއަށް އަޅުގަނޑުމެންގެ ކައުންސިލް ބަދަލުކުރުމުގެ ވިސްނުން ގެނެސް އެމަސައްކަތް އެގޮތަށް ކުރުމަށް ތައްޔާރުވަމުން މިދަނީ. މިއަދު އަޅުގަނޑަށް އެކަމުގެ ވަރަށް އުފާވެރި ހަބަރުތަކެއް ރައީސް ނަޝީދު ދެއްވި. އަދި ވަރަށް ހިތްވަރުގެ ބަސްފުޅުތަކެއް އެމަނިކުފާނު ދެއްވި. އަދި އެކަމާގެން އަޅުގަނޑުމެން ކުރިއަށްދާންވީ ގޮތް ރައީސް ނަޝީދު ވަނީ ވަރަށް ފުރިހަމައަށް ހާމަކޮށްދީފަ. އަޅުގަނޑުމެން އަޒުމް ކަނޑައަޅަން އެމަގުން މަސައްކަތް ކުރަން. އަޅުގަނޑު މިދަންނަވަން އުޅޭ ވާހަކަ އަކީ ލޯކަލް ޒޫރިޒަމްގެ ވާހަކަ” ކުޅުދުއްފުށީ ކައުންސިލުގެ ރައީސް ވިދާޅުވި އެވެ.

ކައުންސިލު ރައީސް އަލީ މުހައްމަދު ވިދާޅުވީ ލޯކަލް ޓޫރިޒަމްގެ ވިޔަފާރި ކުޅުދުއްފުށިގައި ފުޅާކޮށް، އެވިޔަފާރި ކުރިއެރުވުމަށް ކުރެވެން ހުރި ހުރިހާ ކަމެއް ކުރައްވާނެ ކަމުގެ ޔަގީންކަން އަލީ ދެއްވި އެވެ.

އޭނަ ވިދާޅުވީ ކުޅުދުއްފުށީގެ ތަރައްގީއަށް ކުރާ ކޮންމެ މަސައްކަތެއް ކުރުމަށް ސަރުކާރަށް ފުރިހަމައަށް އެއްބާރުލުން ދެއްވާނެކަމަށެވެ.

“އަދި މިހާތަނަން އަޅުގަނޑުމެންގެ ފަރާތުން ސަރުކާރަށް ދޭންޖެހޭ އެއްބާރުލުމެއް ނުދީފައެއް ނޯނާނެކަމުގެ ޔަގީންކަން ކުޅުދުއްފުށީގެ ރައްޔިތުންނަން އަރުވަން. އެއިލްޒާމް އަޅުގަނޑުމެންގެ ބޮލުގަ އަޅުވާ ކުޅުދުއްފުށީގެ ތަރައްގީއަށް ހުރި އެއްވެސް މަސްރޫއެއް ހުއްޓިގެން ގޮސްގެންނުވާނެ. އަޅުގަނޑުމެން މިދަނީ ވަރަށް ގާތުން ތިޔަބޭފުޅުންގެ (ޕީޕީއެމްގެ ސަރުކާރު)ގެ ކަންތައް ކުރައްވަމުންދާ ގޮތް ބަލަން. (ސަރުކާރަށް) ފާޑު ކިޔަންޖެހިއްޖެއްޔާ ފާޑުވެސް ކިޔާނަން. އެއްބާރުލުން ދޭންޖެހޭ ވަގުތު އެއްބާރުލުންވެސް ދޭނަން” އަލީ ވިދާޅުވި އެވެ.