މާލޭގެ ރައްޔިތުންނަށް ދިމާވެފައިވާ ފެނުގެ ދަތިކަމަށް ލުއެއް ހޯދައިދިނުމަށް 100 ޓަނުގެ ފެން ރައްކާކުރެވޭނެ ކަޅު ހަން ކުޅުދުއްފުށިން މާލެ ފޮނުވާލައިފި އެވެ.
މި ނޫހަށް މައުލޫމާތު ދެއްވަމުން ކުޅުދުއްފުށި ކައުންސިލްގެ ރައީސް އަލީ މުހައްމަދު ވިދާޅުވީ މި ކަޅު ހަންތަކަކީ ހދ.އަތޮޅުގެއާއި ކުޅުދުއްފުށީ ޒޯން ސްޓޭޑިއަމާއި ކުޅުދުއްފުށީ ރީޖަނަލް ހޮސްޕިޓަލާއި ކުޅުދުއްފުށީ ސަރަހައްދީ ބަނދަރާއި ކުޅުދުއްފުށީ ޖަލާއްލުއްދީން ސްކޫލް އަދި ހދ.އަތޮޅު ތައުލީމީ މަރުކަޒްގައި ބޭނުންކުރަމުންދިއަ ޖުމްލަ 27 ހަން ކަމަށެވެ.
އެގޭތެރޭގައި ހިމެނެނީ2500 ލިޓަރގެ 16 ހަމާއި، 5000 ލިޓަރގެ 10 ހަން އަދި 10000 ލިޓަރގެ 1 ހަމެވެ.
ކައުންސިލްގެ ރައީސް ވިދާޅުވީ ރައީސް ޔާމީން އެކުލަވާލާފައިވާ ޓާސްކް ފޯސް ކޮމެޓީގައި ކުޅުދުއްފުށީން ބޭނުންވަނީ ކޮން އެހީތެރިކަމަކަށްތޯ ދެންނެވުމުން އެ ފަރާތުން އެދިފައިވަނީ ފެން ސަޕްލައި ކުރެވޭނެ ގޮތަށް ހޯދައިދިނުމަށް ކަމަށާއި މިހާރު މަދީ ފެން އުފުލާނެ ތަކެތި ކަމަށާއި ފެން އެ ފަރާތުގައި އެބަހުރި ކަމަށެވެ. އެހެންކަމުން ކައުންސިލުން ނިންމީ ސަރުކާރުގެ މުވައްސަސާތަކުގައި ބޭނުންކުރާ ކަޅުހަންތައް މާލެ ފޮނުވާލުން ކަމަށް އަލީ ވިދާޅުވި އެވެ.
މި މަސައްކަތުގައި ކުޅުދުއްފުށީ ކައުންސިލާއި، ހދ.އަތޮޅު ކައުންސިލާއި، ކުޅުދުއްފުށީ ޕޮލިސް ސްޓޭޝަނާއި، އެމް.އެން.ޑީ.އެފާއި، ފެނަކަ، ޖަލާލުއްދީން ސްކޫލް، ހދ އަތޮޅު ތައުލީމީ މަރުކަޒް، ކުޅުދުއްފުށި ސަރަހައްދީ ބަނދަރު އަދި ޒޯން ސްޓޭޑިއަމުން ލިބުނު އެހީތެރިކަން ފާހަގަކޮށް އެ ފަރާތްތަކަށް ކައުންސިލްގެ ރައީސް އަލީ މުހައްމަދު ވަނީ ޝުކުރުއަދާކޮށް އެކުރެއްވި ހިތްވަރަށް ތައުރީފުކޮށްފަ އެވެ.
ސިކަންދަރު ބޯޓްގައި ހަންތައް މާލެ ފޮނުވާލާފައިވާއިރު އެ ބޯޓްގެ ވެރިޔާ މުހައްމަދު ޒުހެއިރުއަށްވެސް އަލީ ވަނީ ޝުކުރުއަދާކޮށްފަ އެވެ.
އަލީ ވިދާޅުވީ މި ހަންތައް މާދަމާ 10 އަކާ 11 ދެމެދު މާލެއަށް ބޭލޭވަރުވާނެ ކަމަށެވެ.
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
