ލައިސަންސް ޕްރެކްޓިކަލް ބާއްވާ ދުވަސްތައް އަތޮޅު ކައުންސިލުން އިތުރުކޮށްފި

Dec 14, 2014

އެއްގަމު ލައިސެންސް ޕްރެކްޓިކަލް ބާއްވާ ދުވަސްތައް ހދ އަތޮޅު އަތޮޅު ކައުންސިލުން އިތުރުކޮށްފި އެވެ.

މި ނޫހަށް މައުލޫމާތު ދެއްވަމުން ހދ އަތޮޅު ކައުންސިލްގެ ރައީސް އާދަމް ނާސިރު ވިދާޅުވީ އެއްގަމު ލައިސެންސް މިހާރު ނަގަމުން އަންނަ ދެ ދުވަސް ކަމަށްވާ އާދިއްތަ ދުވަހާއި ބުދަ ދުވަހުގެ އިތުރުން މީގެ ފަހުން އަންގާރަ ދުވަހުވެސް ޕްރެކްޓިކަލް ބޭއްވުމަށް ހަމަޖެހިފައިވާ ކަމަށެވެ.

އާދަމް ވިދާޅުވީ އެގޮތަށް އެ ކައުންސިލުން ނިންމީ އަތޮޅުގެ ހުރިހާ ރައްޔިތުންނަށް މި ހިދުމަތް ހޯދުމަށް ފަސޭހަކޮށްދިނުމަށާއި ކުޅުދުއްފުއްޓަށް ރަށްރަށުން ފެރީ އޮންނަ ދުވަސްތަކުގައި ޕްރެކްޓިކަލް ބޭއްވުމަށް ކަމަށެވެ.

އަންގާރަ ދުވަހު ޕްރެކްޓިކަލް ބޭއްވުމުން މަކުނުދޫ، ވައިކަރަދޫ، ނޭކުރެންދޫ އަދި ކުމުންދޫ ރައްޔިތުންނަށް ފަސޭހަ ވެގެންދާނެ އެވެ. އާދިއްތަ އަދި ބުދަ ދުވަހަކީ މި ރަށްތަކުން ފެރީ އަންނަ ދުވަސްތަކެއް ނޫނެވެ.

މިހާރު އަތޮޅު ކައުންސިލުން ހަދައިދޭ އެއްގަމު ލައިސަންސް ކާޑު ހެދުމަށް ނަގަނީ 350 ރުފިޔާ އެވެ. މީގެކުރިން ހދ އަތޮޅު ކައުންސިލުން އާއްމުކުރި އިއުލާނެއްގައި ބުނެފައިވަނީ އެއިދާރާއިން އެއްގަމު ލައިސަންސް ކާޑު ހެދުމަށް ނަގާ ފީ ބޮޑުކުރަން ނިންމީ ކާޑު ހެދުމުގެ ހިދުމަތުގެ ފެންވަރު ރަނގަޅުކޮށް އެ ހިދުމަތް އަވަހަށް ފޯރުކޮށްދިނުމުގެ ގޮތުން އެކަމަށް ކައުންސިލުން ބޮޑު ހޭދައެއް މިހާރު ކޮށްފައިވާތީ ކަމަށެވެ.

މިލިޔުމާއި ގުޅޭ