އުއްތަމަ ފަނޑިޔާރާއި ފަނޑިޔާރު މުއުތަސިމް ފަނޑިޔާރުކަމުގެ މަގާމުން ވަކިކޮށްފި

Dec 14, 2014

ދިވެހިރާއްޖޭގެ އުއްތަމަ ފަނޑިޔާރު އަހުމަދު ފާއިޒު ހުސައިނާއި އެ ކޯޓުގެ ފަނޑިޔާރު އަހުމަދު މުއުތަސިމް އަދުނާނު ފަނޑިޔާރުކަމުގެ މަގާމުން ވަކިކޮށްފި އެވެ.

އެ ދެ ފަނޑިޔާރުން މަގާމުން ވަކި ކޮށްފައިވަނީ، ސްޕްރީމް ކޯޓުގެ ފަނޑިޔާރުންގެ އަދަދު މަދުކުރުމަށް ދިވެހިރާއްޖޭގެ ކޯޓުތަކާބެހޭ ގާނޫނަށް ގެނެވުނު އިސްލާހުގެ ދަށުންނެވެ.

މިއަދު ކުރިއަށްދިޔަ މަޖިލީހުގެ ޖަލްސާގައި އެ ދެ ފަނޑިޔާރުން ވަކިކުރަން ފެންނަކަމަށް 53 މެމްބަރަކު ވޯޓު ދެއްވިއިރު ނުފެންނަކަމަށް 21 މެމްބަރަކު ވަނީ ވޯޓު ދެއްވާފައެވެ. އަދި ވަކިކޮޅަކަށް ވޯޓު ނުދެއްވާ އެއް މެމްބަރަކު އިންނެވިއެވެ.

ކޯޓުތަކުގެ ގާނޫނަށް ގެނައި އިސްލާހުގެ ދަށުން ދެ ފަނޑިޔާރަކު މަގާމުން ވަކިކުރިއިރު، އެ އިސްލާހަކީ ގާނޫނުއަސާސީއާ ހިލާފު އިސްލާހެއްކަމަށް ގިނަ ގާނޫނީ ވަކީލުން އަންނަނީ ބުނަމުންނެވެ.

މިލިޔުމާއި ގުޅޭ