ބީއެމްއެލްގެ ފްލައި އެންޑް ވިން ޕްރޮމޯޝަންގެ ނަސީބުވެރިން ހޮވައިފި

ބޭންކް އޮފް މޯލްޑިވްސްގެ “ފްލައި އެންޑް ވިން ވިތް އެމެރިކަން އެކްސްޕްރެސް” ޕްރޮމޯޝަންގެ ފުރަތަމަ މަހުގެ ނަސީބުވެރިން ހޮވައިފި އެވެ.

ބީއެމްއެލް އާއި މޯލްޑިވިއަން ގުޅިގެން ތިން މަސް ދުވަހަށް ކުރިއަށް ގެންދާ ޕްރޮމޯޝަންގެ ފުރަތަމަ މަހުގެ 4 ނަސީބުވެރިންނަކީ ހދ. ކުޅުދުއްފުށި، ޕެޝާވަރު، ނޫރުއްސަލާމް އަބޫބަކުރާއި، ޅ. ހިންނަވަރު، ގްރީންގެ، އާމިރު ޝަކީލާއި، ތ. ވިލުފުށި، ނަރުގިސްވިލާ، ސަންފާ ނަސްރީނާ އަދި ގ. ދިލްފިޒާގެ، އިބްރާހިމް ވިޝާން އެވެ.

1 ނޮވެމްބަރުން ފެށިގެން ޖެނުއަރީ 31 ގެ ނިޔަލަށް ކުރިއަށް ގެންދާ މި ޕްރޮމޯޝަންގެ ނަސީބުވެރިންނަށް، މޯލްޑިވިއަން އިން ދަތުރުކުރާ ރާއްޖެ އާއި ރާއްޖޭން ބޭރުގެ މަންޒިލްތަކުގެ ތެރެއިން ބޭނުން މަންޒިލަކަށް ހިލޭ ދަތުރު ކުރުމަށް ޓިކެޓެއް ލިބެއެވެ.

މި ޕްރޮމޯޝަންގައި ބައިވެރިވެވެނީ މޯލްޑިވިއަންގެ ޓިކެޓް ބައްލަވައި ގަންނައިރު، ބީއެމްއެލްގެ ޕީއޯއެސް މެދުވެރިކޮށް އެމެރިކަން އެކްސްޕްރެސް ކާޑުން ފައިސާ ދެއްކީމައެވެ.