ނޮޅިވަރަންފަރުގައި ފެންބޮޑުވުމާ ގުޅިގެން އެ ރަށަށް ކްލޮރިން ފޮނުވުމުގެ މަސައްކަތް ފަށައިފި

Dec 20, 2014

ނޮޅިވަރަންފަރަށް ކުރި ވިއްސާރައިގައި އެ ރަށުގައި ފެންބޮޑުވެ ބަލިމަޑުކަމެއް ފެތުރިދާނެތީ އެ ރަށަށް ކުޅުދުއްފުށީ ޕަބްލިކް ހެލްތުން ކްލޮރިން ފޮނުވުމުގެ މަސައްކަތް ފަށައިފި އެވެ.

ގާތްގަނޑަކަށް 333 ޓަނުގެ ފެނަށް އެޅޭނެ ކްލޮރިން ނޮޅިވަރަންފަރަށް ފޮނުވުމުގެ މަސައްކަތް ކުޅުދުއްފުށީ ޕްބްލިކް ހެލްތް ފަށާފައިވާއިރު އެ ރަށަށް ބޯ ފެނަށް އަޅާ ޒާތުގެ 340 ގުޅަ ކްލޮރިން މިއަދު ފޮނުވާނެ ކަމަށް ކުޅުދުއްފުށީ ޕަބްލިކް ޔުނިޓުން މައުލޫމާތު ދެއެވެ.

ކުޅުދުއްފުށީ ޕަބްލިކް ހެލްތް ޔުނިޓުގެ ކޮމިޔުނިޓީ ހެލްތް އޮފިސަރ ފާތުމަތު ހަސަން ވިދާޅުވީ ކްލޮރިން ފޮނުވުން ލަސްވެފައިވަނީ ކަނޑު ގަދަވެ ދަތުރުފަތުރުތަކަށް ބުރޫއަރާފައިވާތީ ކަމަށެވެ. ނަމަވެސް މިއަދު މެންދުރު ފަހު ނޮޅިވަރަމްފަރަށް ކްލޮރިން ފޯރުކޮށްދެވޭނެ ކަމަށް ފާތުމަތު ހަސަން ވިދާޅުވި އެވެ.

ހދ. ނޮޅިވަރަންފަރަށް ބުރާސްފަތި ދުވަހުގެ ރޭ ކުރި ވިއްސާރާގައި ޖަންކްޝަންތަކުން ނަޖިސް ބޭރުވުމާ ގުޅިގެން އެރަށުގައި ފެތުރިދާނެ ބަލިމަޑުކަމަކުން ރައްކާތެރިވުމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) ވަނީ އިލްތިމާސްކޮށްފަ އެވެ.

މިލިޔުމާއި ގުޅޭ