ޕްރީ ސްކޫލުތަކަށް ދޭ އެހީއަށް އެދުމުގެ ފުރުސަތު ހުޅުވާލައިފި

އެޑިއުކޭޝަން މިނިސްޓްރީގެ ތައުލީމީ ފަންޑުން ޕްރީސްކޫލްތައް ކުރިއެރުވުމަށް ހިންގަމުންގެންދާ ޕްރޮގްރާމްގެ ތެރެއިން މި އަހަރު ދޫކުރުމަށް ހަމަޖެހިފައިވާ އެހީއަށް އެދުމުގެ ފުރުސަތު ހުޅުވާލައިފި އެވެ.

އެހީއަށް އެދުމުގެ ފުރުސަތު ހުޅުވާލާފައިވަނީ މިމަހުގެ 20 ވަނަ ދުވަހުގެ 12:00 ގެ ނިޔަލަށް ކަމަށާއި އެހީއަށް އެދޭ ޕްރީ ސްކޫލުތަކުން ހުށަހަޅަންޖެހޭ ފޯމާއި ލިޔުންތައް “ޕްރީސްކޫލް ތަރައްގީކުރުމަށް ތައުލީމީ ފަންޑުން ހިލޭ އެހީ ދިނުމުގެ އުސޫލު”ގައިވާ ގޮތުގެ މަތިން ފުރިހަމަކުރަންޖެހޭނެ ކަމަށް އެޑިއުކޭޝަން މިނިސްޓްރީން ބުނެ އެވެ.

އެޑިއުކޭޝަން މިނިސްޓްރީގެ ތައުލީމީ ފަންޑުން ޕްރީސްކޫލްތައް ކުރިއެރުވުމަށް ހިންގަމުންގެންދާ ޕްރޮގްރާމްގެ ހިލޭ އެހީގެ ދަށުން އެހީތެރިވުމަށް ހަމަޖެހިފައިވަނީ ޕްރީ ސްކޫލްތައް ޒަމާނާ ގުޅޭގޮތަށް ތަރައްގީކުރުމަށާއި ޅަފަތުގެ ތަރުބިއްޔަތާއި ތަރައްގީ ކުރުމުގެ ޕްރޮގްރާމްތައް ހިންގުމަށެވެ.