އައު އަހަރާ ދިމާކޮށް މޯލްޑިވިއަންގެ ޓިކެޓް ޕްރޮމޯޝަނެއް “ކުޅުދުއްފުށި އޮންލައިން” އިން ފަށައިފި

އައު އަހަރާ ދިމާކޮށް މޯލްޑިވިއަންގެ ޓިކެޓް ޕްރޮމޯޝަނެއް “ކުޅުދުއްފުށި އޮންލައިން” އިން ފަށައިފި އެވެ.

ޖެނުއަރީ 1 ން ފެށިގެން އަންނަ ފެބްރުއަރީ މަހުގެ ނިޔަލަށް ކުރިއަށް ގެންދާ މި ޕްރޮމޯޝަނުގައި “ކުޅުދުއްފުށީ އޮންލައިން” އިން މޯލްޑިވިއަންގެ ޓިކެޓް ބައްލަވައި ގަންނަވާ ކޮންމެ ބޭފުޅަކުވެސް މި ޕްރޮމޯޝަނުގައި ހިމެނިގެން ދާނެ އެވެ.

މި ޕްރޮމޯޝަނުގައި ގުރުއަތުން ހޮވޭ ނަސީބުވެރި ފަރާތަކަށް މޯލްޑިވިއަންގެ ރާއްޖޭގެ ކޮންމެވެސް އެއް މަންޒިލަކަށް ދަތުރުކުރުމަށް ދެކޮޅު ޓިކެޓް ހިލޭ ލިބޭނެ އެވެ.

” ޕްރޮމޯޝަނުގައި ގުރުއަތުން ހޮވޭ ފަރާތަކަށް މާލެ، ހަނިމާދޫ، ދަރަވަންދޫ، ތިމަރަފުށި، ކޫއްޑޫ، ކާޑެއްދޫ، ކައްދޫ، ފުވައްމުލަށް ނުވަތަ ގަމަށް ދަތުރުކުރުމަށް ދެކޮޅު ޓިކެޓް ހިލޭ ލިބޭނެ” ކުޅުދުއްފުށި އޮންލައިންގެ ސީއީއޯ ބަދުރުއްދީން ހަސަން ވިދާޅުވި އެވެ.

ބަދުރުއްދީން ވިދާޅުވީ އޮފީސް ހުޅުވިފައި ހުންނަ ގަޑިތަކުގައި 7978355 އަށް ގުޅުއްވައިގެން ޓިކެޓް ބުކިން ހެއްދެވޭނެ ކަމަށެވެ. ބުކިން ހެއްދެވުމަށްފަހު އޮފީހަށް ވަޑައިގެން ޓިކެޓަށް ފައިސާ ދެއްކެވުމުން ނުވަތަ ބޭންކް އޮފް މޯލްޑިވްސްގެ އިންޓަނެޓް ބޭންކިންގ މެދުވެރިކޮށް ފައިސާ ޓްރާންސްފަރ ކުރުމަށްފަހު ޕްރޫފް މެއިލް ކޮށްދެއްވުމުން، އީމެއިލް އަށް ވެސް ޓިކެޓް ފޮނުވައި ދޭނެ ކަމަށް ބަދުރު ވިދާޅުވި އެވެ.

މޯލްޑިވިއަންގެ ސޭލްސް އެޖެންޓަކަށް “ކުޅުދުއްފުށި އޮންލައިން” ހަމަޖެހިފައިވަނި ހުސްވި އަހަރުގެ އޭޕްރިީލް މަހުގެ ތެރޭގައެވެ.