2014 ވަނަ އަހަރުގެ އޯލެވެލް ނަތީޖާ ކުޅުދުއްފުށީ ސްކޫލްތަކުން މިއަދުން ފެށިގެން ދޫކުރަން ފަށައިފި އެވެ.
މިދިޔަ އަހަރު ކުޅުދުއްފުށީގައި އޯލެވެލް ހެދި ދެސްކޫލް ކަމަށްވާ އަފީފުއްދީން ސްކޫލާއި ޖަލާލުއްދީން ސްކޫލުން މިއަދު އޯލެވެލް ނަތީޖާ ލިބެން ހުންނާނެ ކަމަށް އެސްކޫލުތަކުން މައުލޫމާތު ދެ އެވެ.
ނަތީޖާ ނަގަން ހާޒިރުވާއިރު އޯލެވެލް އިމްތިހާނުގެ ސްޓޭޓްމެންޓް އޮފް އެންޓްރީ ގެނައުމަށް އެސްކޫލުތަކުން އެދެ އެވެ.
އަފީފުއްދީން ސްކޫލުގެ 52 ދަރިވަރަކާއި ޖަލާލުއްދީން ސްކޫލުގެ 92 ދަރިވަރުންގެ އިތުރުން އަމިއްލަ ގޮތުން ބައިވެރިވި ދަރިވަރުންނާއެކު 185 ފަރާތަކުން މިދިޔަ އަހަރު ކުޅުދުއްފުށިން އޯލެވެލް އިމްތިހާނުގައި ބައިވެރިވެފައިވެ އެވެ.
މިދިޔަ އަހަރު ރާއްޖޭގެ 174 ރަށަކުން 7202 ދަރިވަރުން އޯލެވެލް އިމްތިހާނުގައި ބައިވެރިވި އެވެ. އެއީ ސަރުކާރުގެ 194 ސްކޫލަކުން 5643 ދަރިވަރުންނާއި އަމިއްލަ ގޮތުން 53 ސެންޓަރަކުން 1559 ދަރިވަރުންނެވެ.
ގޮއިދޫ ރައްޔިތުންގެ އެހީގައި ހިންގި ތިން މަޝްއޫރުއަކުން ސްކޫލަށް އުފާވެރިކަން
އަލް މަސާރު އެކަޑަމިކް ސެންޓަރުގެ ޤުރުއާން މުބާރާތުން އެއްވަނަ ލީމް ޒައިދު ހޯދައިފި
ބޯޒިޔާރާތް ބީޗު ހުޅުވުން 27 އަށް ފަސްކޮށްފި
ހަނިމާދޫގައި ޕާސްޕޯޓްގެ ހިދުމަތް ފަށައިފި
