މާބަނޑު މީހަކު ގޮވައިގެން ކުޅުދުއްފުއްޓަށް ދަތުރުކުރި ސީ އެމްބިއުލާންސެއް ތުނޑިއަކަށް އަރައިފި

މާބަނޑު މީހަކު ގޮވައިގެން ހއ މޮޅަދޫ އިން ކުޅުދުއްފުއްޓަށް ދަތުރުކުރި ސީ އެމްބިއުލާންސްއެއް މޮޅަދޫ ތުނޑިއަށް އަރައިފި އެވެ.

މި ނޫހަށް މައުލޫމާތު ލިބިފައިވާގޮތުގައި ސީ އެމްބިއުލަންސް ބީހުނީ ރޭ މެންދަމު 3:15 ހާއިރު އެވެ. ސީ އެންބިއުލާންސްގައި ދަތުރުކުރި އެއްވެސް ފަރާތަކަށް މި ހާދިސާގައި ގެއްލުމެއްވެފައެއް ނުވެ އެވެ.

ބަނޑުގައި ރިއްސާތީ ފަރުވާ ހޯދުމަށް ކުޅުދުއްފުށީ ހޮސްޕިޓަލަށް ސީ އެންބިއުލާންސްގައި ގެންނަން އުޅުނު އަންހެން މީހާ މިއަދު ހެނދުނު ކުޅުދުއްފުއްޓަށް ވަނީ ގެނެސްފަ އެވެ.

އޭނާއަށް މިހާރު ހޮސްޕިޓަލްގައި ފަރުވާ ދެމުންގެންދާއިރު ތުނޑިއަށް އެރި ލޯންޗް މިހާރު ވަނީ އެމްއެންޑީއެފްގެ އެހީތެރިކަމާއެކު ފުންކޮށްފަ އެވެ.