ކުޑަ ކުއްޖެއްގެ ގައިގާ ހިލިހިލާ ޖަހައިގެން ގެންގުޅުނު މައްސަލައެއް ފުލުހުން ބަލަނީ

Feb 1, 2015

ކުޅުދުއްފުށީގައި ކުޑަ ފިރިހެން ކުއްޖެއްގެ ގައިގާ ހިލިހިލާ ގަނޑެއް ޖަހައިގެން ގެންގުޅުނު މައްސަލައެއް ފުލުހުން ބަލަން ފަށައިފި އެވެ.

ފުލުހުންގެ މީޑީއާ އޮފިޝަލް މިނޫހަށް މައުލޫމާތު ދެމުން ވިދާޅުވީ 11 އަހަރުގެ ފިރިހެން ކުއްޖެއް ބެލުމުގައި އެކުއްޖާގެ ކަރާމަތަށް ގެއްލުން ވެދާނެ ފަދަ ގޮތަށް، އާއިލާއިން އަމަލުކުރަމުންދިޔަ ކުއްޖެއްގެ މައްސަލައެއް ފުލުހުން ތަހްގީގުކުރަން ފަށާފައިވާ ކަމަށެވެ.

މީޑީއާ އޮފިޝަލް ވިދާޅުވީ ފެމެލީ އެންޑް ޗިލްރެންސް ސާވިސް ސެންޓަރަށް ހުޅަހެޅުނު މިމައްސަލާގައި އަދި އެއްވެސް މީހަކު ހައްޔަރުކޮށްފައިނުވާ ކަމަށެވެ. އަދި މައްސަލައިގެ ތަހްގީގު ކުރިއަށްދާތީ އިތުރު ތަފްސީލު ދެވެން ނެތްކަމަށް އޭނާ ވިދާޅުވި އެވެ.

” ކުޅުދުއްފުށި އޮންލައިނަށް ” އެނގިފައިވާ ގޮތުގައި މިކަން ހިނގާފައިވަނީ ކުޅުދުއްފުށީ،ސަޒްމީ ގޭގަ އެވެ.އަދި މިއަދު މެންދުރު ފުލުހުންނާ ފެމެލީ އެންޑު ޗިލްރެންސް ސާވިސް ސެންޓަރުގެ ބޭފުޅުން އެގެއަށް ދިޔައިރު ވެސް އެކުއްޖާ އިނީ ހިލިހިލާ ޖަހާފަ އެގޭ ސިޓިންގ ރޫމްގަ އެވެ. އަދި ބޭރު ފުށުން ކުއްޖާއަށް އެއްވެސް އަނިޔާއެއް ވެފައިވާ ނުވާކަން މިނޫހަށް އެގިފަވެ އެވެ.

މިލިޔުމާއި ގުޅޭ