ދިރާގު އޭ.ޑީ.އެސް.އެލް ހިދުމަތް މުޅިން ހިލޭ ކަނެކްޝަނަކާއި އެކު

ދިރާގުން އަލަށް އޭ.ޑީ.އެސް.އެލް އަދި އަލްޓްރާ-ފާސްޓް ކަނެކްޝަނަނެއް ނަގާ ކޮންމެ ފަރާތަކަށް މުޅިންހިލޭ ގުޅައިދޭ ވަރަށް ހާއްސަ ޕްރޮމޯޝަނެއް ފަށައިފި އެވެ.

އެގޮތުން މިޕްރޮމޯޝަންގެ ތަރޭގައި ގޭގެއަށާއި ކުދިވިޔަފާރިތަކަށް މުޅިން ހިލޭ ދިރާގު އޭ.ޑީ.އެސް.އެލް ކަނެކްޝަނެއް ނެގޭނެ ކަމަށް ދިރާގުން ބުނެ އެވެ. މިޕްރޮމޯޝަން ކުރިއަށް ދާނީ 28 ފެބްރުއަރީ 2015ގެ ނިޔަލަށެވެ. އަދި މިޕްރޮމޯޝަން މުއްދަތުގެ ތެރޭގައި ދިރާގު އޭ.ޑީ.އެސް.އެލް ހިދުމަތް ލިބިވަޑައިންނަވާ ކޮންމެ ރަށަކުންވެސް ހިލޭކަނެކްޝަން ލިބޭނެ ކަމަށްވެސް ދިރާގުން މައުލޫމާތުދެ އެވެ.

މިޕްރޮމޯޝަންގެ ތެރޭގައި މުޅިން ހިލޭ ކަނެކްޝަން ލިބިވަޑައިގަންނަވާނީ ޕްރޯ އަންލިމިޓެޑް 15އެމް، ޕްރޯ އަންލިމިޓެޑް 5އެމް، ޕްރޯ އަންލިމިޓެޑް 2އެމް، ޕްރޯ އަންލިމިޓެޑް 1އެމް، ހޯމް ޕްރެމިއަރ 10އެމް، ހޯމް ޕްރެމިއަރ 4އެމް، ހޯމް ޕްލަސް، ސްޓުޑަންޓް ސްޓާޓަރ، ސްޓުޑަންޓް ލައިޓް، ހޯމް އަލްޓްރާ ފާސްޓް ޕްލަސް، ހޯމް އަލްޓްރާފާސްޓް އަދި ކުދި ވިޔަފާރިތަކަށް ހާއްސަކޮށް ތައްޔާރުކޮށްފައިވާ ޕިކްސްޑް ބްރޯޑްބޭންޑް ބިޒްނަސް ޕެކޭޖުތަކަށެވެ.

މިޕްރޮމޯޝަނާއި ގުޅޭގޮތުން ދިރާގު އެސިސްޓަންޓް މެނޭޖަރ ޕަބްލިކްރިލޭޝަންސް އިމްޖާދް ޖަލީލް ވިދާޅުވީ “ރާއްޖޭގަ އެންމެ ފުޅައުކޮށް ފިސްޑް ބްރޯޑްބޭންޑްގެ ހިދުމަތް ދޭކުންފުނީގެ ހައިސިއްޔަތުން އަޅުގަންޑުމެން އަބަދުވެސް މަސައްކަތް ކުރަނީ ކަސްޓަމަރުން ބޭނުންފުޅުވާނެ ކަހަލަ ގިނަ ޕެކޭޖުތަކެއް ހެޔޮއަގެއްގައި، އަތްފޯރާފަށުން ފޯރުކޮށްދޭން. މިދުވަސްވަރު މިޕްރޮމޯޝަން ފެށުމަށް އަޅުގަނޑުމެން ގަސްތުކުރި ވަރަށް މުހިއްމު އެހެން ބޭނުމަކީ، އައު އަހަރު ފެށި ސްކޫލްތައް ހުޅުވޭ ދުވަސްވަރަށްވުމުން ގިނަ ބެލެނިވެރިން ދަރިވަރުންގެ ކިޔެމުގެ މަސައްކަތައް އިންޓަނެޓު ހިދުމަތް ފޯރުކޮށް ދޭން ބޭނުންވޭ. މިފަދަ ދަންޑިވަޅެއްގައި މުޅިން ހިލޭ ހިދުމަތް ގުޅައި ދިނުމަށްނިންމުމުން ބެލެނިވެރިނަށް ވަރަށް ބޮޑު ލުޔެއް ލިބޭނެ ކަމަށް ދެކެން. ދިރާގު ޓީވީ ބެއްލެވުމަށް ޝައުގުވެރިވާ ފަރާތްކަށާއި ފިސްޑް ބްރޯޑްބޭންޑު ނެގުމަށް ބޭނުންވާ ވިޔަފާރިތަކަށްވެސް މުހިއްމު ޕްރޮމޯޝަނެއްކަމަށް އުންމީދުކުރަން”.

ދިރާގު ކަސްޓަމަރުންނަށް ފިކްސްބްރޯޑްބޭންޑުގެ ގިނަ ތަފާތު ޕެކޭޖުތައް ލިބެން ހުންނައިރު މިޕެކޭޖުތައް ތައްޔާރު ކުރެވިފައި ހުންނާނީ ކަސްޓަރުން އިންޓަނެޓު ބޭނުންކުރައްވާ އުސޫލުތަށް ދެނެގަނެ، ތަފާތު ގިނަ ދިރާސާތައްކޮށް، ގިނަ ކަސްޓަމަރުންނާއި މަޝްވަރާކޮށް އެ ފަރާތްތަކުގެ ފީޑްބެކްވެސް ނެގުމަށް ފަހު އެވެ.

އެގޮތުން މިހާރު ފިކްސްޑް ބްރޯޑްބޭންޑުގެ ހިދުމަތް ބޭނުންވާ ކޮންމެ ފަރާތަކަށްވެސް ދިރާގުން ވަރަށް ފުރިހަމަ ޕެކޭޖުތަކެއް އެކަށިގެންވާއަގެއްގައި ލިބެން ހުންނާނެ އެވެ.