ޖަލާލުއްދީން ސްކޫލް ދަސްވާރު ޕްރޮގުރާމްގައި އެހީތެރިވާ 14 ފަރާތަކާއެކު އެމްއޯޔޫގައި ސޮއިކޮށްފި

ޖަލާލުއްދީން ސްކޫލް ދަސްވާރު ޕްރޮގްރާމުގައި އެހީތެރިވާ 14 ފަރާތާއެކު އެމްއޯޔޫ އެއްގައި ސޮއިކޮށްފި އެވެ.

ގްރޭޑް ދިހައެއްގައި ކިޔަވާ ދަރިވަރުންނަށްފަންނީ މަސައްކަތް ދަސްކޮށް ދިނުމަށް ސަރުކާރުން ކުރިއަށް ގެންދާ “ދަސްވާރު” ޕްރޮގްރާމް ޖަލާލުއްދީން ސްކޫލްގައި މި އަހަރު ފަށާފައިވާއިރު އެ ސްކޫލްގެ 35 ދަރިވަރަކު ވަނީ ބައިވެރިވެފަ އެވެ.

މި ޕްރޮގްރާމްގެ ދަށުން ދަރިވަރުންނަށް އަމަލީ ތަމްރީނު ހާސިލުކޮށްދިނުމަށްޓަކައި ޖަލާލުއްދީން ސްކޫލާއެކު މިއަދު އެމްއޯޔޫގައި ސޮއިކޮށްފައިވާ 14 ފަރާތަކީ ކުޅުދުއްފުށީ ރީޖަނަލް ހޮސްޕިޓަލާއި ފެނަކަ ކޯޕަރޭޝަނާއި އޭއެމް ރެފްރިޖަރޭޓަރސް އާއި މެގަ ޗޮއިސް އިންޖިނިއަރިންނާއި މަލްޓި ރިޕެއާރ ސެންޓަރާއި އީޒީ ރެފްރިޖަރޭޓަރސް އާއި ހދ އަތޮޅު ކައުންސިލާއި ކުޅުދުއްފުށީ ކައުންސިލާއި އައި ފޮޓޯ އާއި ސްނެޕްސް އާއި ކްއަންޓަމް އާއި ކުޅުދުއްފުށީ މެޖިސްޓްރޭޓް ކޯޓާއި ލިންކް ސާރވް އަދި ފޮޓޯމީ އެވެ.

މި އެމްއޯޔޫގައި މި 14 ތަނުގެ އިސްވެރިން ސޮއިކޮށްފައިވާއިރު ސްކޫލްގެ ފަރާތުން ސޮއިކުރެއްވީ ޕްރިންސިޕަލް މަހުދީ ޝާހިދެވެ.

ދެ ކުލާހަށް ބަހާލައިގެން ކުރިއަށް ގެންދާ މި ޕްރޮގްރާމުގައި އިލެކްޓްރީޝަން، ފޮޓޯގްރަފީ، މެނޭޖްމެންޓް ފަދަ ދާއިރާއެއް އިހްތިޔާރުކުރުމަށް ދަރިވަރަށް ފުރުސަތު ދިންއިރު އެ ދަރިވަރަކަށް މަސައްކަތް ކުރާނެތަނެއް ސްކޫލުގެ ފަރާތުން ވަނީ ހަމަޖައްސައިދީފަ އެވެ.

ދަސްވާރު ޕްރޮގްރާމުގެ ފުރަތަމަ ބުރުގައި އެ ޕްރޮގްރާމު ފުރިހަމަކުރި 86 ދަރިވަރުންނަށް މިދިޔަ މަހުގެ ތެރޭގައި ވަނީ ސެޓްފިކެޓް ހަވާލުކޮށްފަ އެވެ.

ދަސްވާރު ޕްރޮގްރާމަކީ ވަރަށް ކާމިޔާބު ޕްރޮގްރާމެއް ކަމަށް އެޑިޔުކޭޝަން މިނިސްޓްރީން ވަނީ ބުނެފަ އެވެ.

[yass cats=165]