ހދ އަތޮޅު ޤުރުއާން މުބާރާތް މި އަހަރު ބާއްވާ ރަށުގެ ގޮތުގައި ނޮޅިވަރަންފަރު ހަމަޖެހިއްޖެ އެވެ.
މިކަން އިއުލާންކޮށް ހދ އަތޮޅު ކައުންސިލުން ނެރެފައިވާ އިއުލާނެއްގައި ވަނީ ޤުރުއާން މުބާރާތް ބާއްވާނެ ރަށެއް ކަނޑައެޅުމަށްޓަކައި މުޅި އަތޮޅަށް ހުޅުވާލި ފުރުސަތުގައި ޕްރޮޕޯސަލް ހުށަހެޅި ފަރާތްތަކުގެ ތެރެއިން އެންމެ ރަނގަޅު ޕްރޮޕޯސަލެއް ހުށަހަޅާފައިވަނީ ހދ. ނޮޅިވަރަންފަރުން ކަމަށެވެ.
ޤުރުއާން މުބާރާތް ބޭއްވުމަށް ޕްރޮޕޯސަލް ހުށަހަޅާފައިވަނީ 4 ރަށަކުންނެވެ. އެއީ ހަނިމާދޫ، ނޮޅިވަރަންފަރު، ވައިކަރަދޫ އަދި މަކުނުދޫ އެވެ. މީގެތެރެއިން ހަނިމާދޫން ޕްރޮޕޯސަލް ހުށަހަޅާފައިވަނީ ފެކްސްއިން ކަމަށްވާތީ އެ ޕްރޮޕޯސަލް ހިމަނާފައިނުވާނެ ކަމަށް އެ އިއުލާނުގައިވެ އެވެ.
އެންމެ ރަނގަޅު ޕްރޮޕޯސަލެއް ހޮވާފައިވަނީ އިވެލުއޭޓް ކޮމިޓީން އެ ޕްރޮޕޯސަލްތައް ދިރާސާކުރުމަށްފަހުގަ އެވެ.
އަތޮޅުގެ ވެރިކަން ކުރާ އަދި އެންމެ އާބާދީ ބޮޑު ކުޅުދުއްފުށިން މި މުބާރާތް ބޭއްވުމަށް ޕްރޮޕޯސަލް ހުށަހަޅާފައެއް ނުވެއެވެ.
