ކުރިމަގު ޕްރީ ސްކޫލުން ފަންޑް ރައިސްކުރުމުގެ ޕްރޮގްރާމެއް ހިންގައިފި

Mar 9, 2015

-އަލީ ވިސާމް-

ހދ.ކުރިނބީ ކުރިމަގު ޖަމްއިއްޔާއިން ހިންގަމުން އަންނަ ކުުރިމަގު ޕްރީސްކޫލުން ފަންޑް ރައިސް ކުރުމުގެ ޕޮރޮގްރާމެއް ހިންގައިފިއެވެ.

ކުރިމަގު ޖަމްއިއްޔާގެ ރައީސްް ހުސައިން ސުޖާއި މައުލޫމާތު ދެއްވި ގޮތުގައި، ފަންޑް ރައީސް ކުރުުމުގެ ގޮތުން އިއްޔެ ކުރިއަށް ގެންދިޔަ މަސައްކަތު ދުވަހުގައި ސްކޫލްގެ ބެލެނިވެރިންގެ އިތުރުން ހެޔޮއެދޭ ބައެއް ފަރާތްތަކުން ބައިވެރިވެފައިވާ ކަމަށާއި މަސައްކަތުގައި ބައިވެރިވެލެއްވި ހުރިހާ ފަރާތްތަކަށް ޝުކުރު ދަންނަވާ ކަމަށެވެ.

ސުޖާއި ވިދާޅުވީ އުއްމީދަކީ ކުރިއަށް ރޭވިފައިހުރި މިފަދަ މަސައްކަތްތަކުގައި ބެލެނިވެރިންނާއި ހެޔޮއެދޭ ފަރާތްތަކުގެ ފަރާތުންވެސް މިއަށްވުރެ ބޮޑު އެއްބާރުލުމަކާއި ބައިވެރިވުމެއް ފެނިގެން ދިއުން ކަމަށެވެ.

ކުރިމަގު ޖަމްއިއްޔާއިން މައުލޫމާތު ދެއްވި ގޮތުގައި އިއްޔެ ފާހަގަކުރި މަސައްކަތު ދުވަހުން 9408 ރުފިޔާ ލިބިފައިވާ ކަމަށާއި މި ފައިސާ ހަރަދުކުރުމަށް ހަމަޖެހިފައިވަނީ އެ ޕްރީސްކޫލަށް މިހާރުން މިހާރަށް ކުރަންޖެހޭ ރަތައްޤީގެ މަސައްކަތްތަކަށް ކަމަށެވެ.

ކުރިމަގު ޕްރީ ސްކޫލަކީ ހދ.ކުރިނބީގައި މިވަގުތު ހުރި ހަމައެކަނި ޕްރީސްކޫލަށްވާއިރު އެ ޕްރީ ސްކޫލުގައި 50 ވުރެ ގިނަ ދަރިވަރުން ތައުލީމު ހާސިލުކުރަމުންދެއެވެ.

މިލިޔުމާއި ގުޅޭ