ކުޅުދުއްފުށީ ސަރައްދީ ބަނދަރުގެ ސީނިއާ މުވައްޒަފެއް ވިދާޅުވީ ފަރުހޫދު މަގާމުން ވަކިކުރެއްވީ ކޮރަޕްޝަނުގެ މައްސަލަތަކެއްގައި ކަން އެގިފައިވާ ކަމަށެވެ. އަދި ބަނދަރުގެ މުވައްޒަފުންގެ މެދުގައި ތަފާތުކުރުން ތަކެއް ގެންގުޅުވާކަމަށް އޭނާ ވިދާޅުވި އެވެ.

މިކަމާ ގުޅިގެން ” ކުޅުދުއްފުށި އޮންލައިނަށް ” ދެއްވި ބަސްތީގަތުމެއްގައި ފަރުހޫދު ވިދާޅުވީ އޭނާ މަގާމުން ދުރުކޮށްފައިވަނީ ކޮރަޕްޝަނުގެ މައްސަލައެއްގައި ނޫން ކަމަށާއި މަގާމުން ދުރުކޮށްފައިވަނީ ކުޅުދުއްފުށީ ސަރަހައްދީ ބަނދަރަށް ތަރައްގީ ކުރުމަށް މަސައްކަތް ކުރައްވާތީ އެކަން ޕޯޓްސް ލިމިޑެންޓްގައި އުޅުވައި ބޭފުޅަކަށް ގަބޫލު ނުކުރެވިގެން ކަމަށެވެ.

އިބްރާހިމް ފަރުހޫދަކީ ސަރުކާރުގެ ގިނަ ވަޒީފާތަކެއް އަދާކުރައްވައިފައިވާ ބޭފުޅެކެވެ. އެގޮތުން ކުޅުދުއްފުށީ ކަތީބުކަމާއި ރާއްޖެތެރޭ ހާއްސަ އެހީތެރިޔާގެ މަގާމުގެ އިތުރުން ސަރަހައްދީ ތަރައްގީގެ އުތުރުގެ އޮފީހުގެ އެސިސްޓެންޓް ޑިރެކްޓަރުގެ މަގާމާއި ފަހުން އެތަނުގެ ޑިރެކްޓަރުގެ މަގާމު ވެސް ފަރުހޫދު ފުރުއްވާފައިވެ އެވެ.

ރައީސް ނަޝީދުގެ ވެރިކަމުގައި ސަރަހައްދީ ތަރައްގީގެ އުތުރުގެ އޮފީހުގެ ޑިރެކްޓަރު މަގާމުން އޭނާ ވަކިކުރެއްވި އެވެ. ސަރަހައްދީ ބަނދަރުގެ ޖެނެރަލް މެނޭޖަރުގެ މަގާމު ފަރުހޫދަށް ދެއްވީ ރައީސް ވަހީދުގެ ވެރިކަމުގަ އެވެ.

މިލިޔުމާއި ގުޅޭ