މާޝަލް އާރޓްސް އެސޯސިއޭޝަންގެ ފަރާތުން ކުޅުދުއްފުށީގައި ސެލްފް ޑިފެންސް ކުލާސްތަކެއް ބާއްވަނީ

މާޝަލް އާރޓްސް އެސޯސިއޭޝަންގެ ފަރާތުން ކުޅުދުއްފުށީގައި ފިޒިކަލް ފިޓްނަސް އަދި ސެލްފް ޑިފެންސް ކުލާސްތަކެއް ބޭއްވުމަށް ހަމަޖެހިއްޖެ އެވެ.

މި ނޫހަށް މައުލޫމާތު ދެއްވަމުން މާޝަލް އާރޓްސް އެސޯސިއޭޝަންގެ އަޕާރ ނޯތް ރިޕްރެޒެންޓޭޓަރ އަލީ އަޒްހަދު ވިދާޅުވީ މި ކުލާސްތަކަކީ ދުޅަހެޔޮ ސިއްހަތެއްގައި ތިބުމަށް ދަސްކޮށްދީ ސެލްފް ޑިފެންސްގެ މުހިންމު ކަމާއި ސެލްފް ޑިފެންސް ދަސްކޮށްދިނުމަށް ހިންގޭ ކުލާސްތަކެއް ކަމަށެވެ.

ކުޅުދުއްފުށީ ދިރުން، ސްޓޭޑިއަމް އަދި ހިއްކި ސަރަހައްދުގައި މި ކުލާސްތައް ހިންގުމަށް ރޭވިފައިވާއިރު ކުލާސްތަކުގައި ކިޔަވައިދެއްވާނީ އެ އެސޯސިއޭޝަންގެ މުހައްމަދު ފައިސަލް އާއި ކުޅުދުއްފުށީ ޕޮލިސް ސްޓޭޝަންގެ އިބުރާހިމް އަދި އާދަމްގެ އިތުރުން އަލީ އަޒްހަދެވެ.

މި މަހުގެ 15 ން 30 ށް ކުރިއަށްދާ މި ކުލާސްތަކުގައި ބައިވެރިވުމަށް 9991452 މި ނަމްބަރަށް ގުޅުއްވާ ނަން ނޯޓްކުރުމަށް އަލީ އަޒްހަދު އެދިލެއްވި އެވެ. މި ކުލާސްތަކުގައި ބައިވެރިވުމުގެ ފީ އަކީ 350 ރުފިޔާ އެވެ.

އަލީ ވިދާޅުވީ މި ކުލާސްތަކަކީ ދެ ޖިންސަށް ހުޅުވިފައިވާ ކުލާސްތަކެއް ކަމަށާއި މަދުވެގެން 15 އަންހެނުން ބައިވެރިވެއްޖެނަމަ އަންހެނުންނަށް ކުލާސްތައް ބާއްވާނެ ކަމަށެވެ. އަލީ ވަނީ މި ކުލާސްތަކުގައި ވީހާވެސް ގިނަ ފަރާތްތަކުން ބައިވެރިވުމަށް އެދިލައްވާފައެވެ.