ގުރުއާން މުބާރާތަށް ނޮޅިވަރަންފަރު ތައްޔާރު ވަނީ

ހދ އަތޮޅު ގުރުއާން މުބާރާތަށް ވާންޖެހޭ ތައްޔާރީތައް މިހާރު ދަނީ ވަމުން ކަަމަށް ނޮޅިވަރަމްފަރު ކައުންސިލުން ބުނެފި އެވެ.

ނޮޅިވަރަންފަރު ކައުންސިލްގެ ރައީސް ހަސަން ތައުފީގް ވިދާޅުވީ ގުރުއާން މުބާރާތް ކުރިއަށް ގެންދިއުމަށް ހަމަޖެހިފައިވާ ނޮޅިވަރަންފަރު ސްކޫލް ދަނީ އެކަމަށް ތައްޔާރު ކުރެވެމުން ކަމަށެވެ.

އެ ގޮތުން ދަރިވަރުންނާއި ބެލެނިވެރިން ތިބުމާއި ކެއުމުގެ އިންތިޒާމްވެސް ހަމަޖެހިފައިވާކަމަށާއި އަދި ތިބުމާއި ކެއުމުގެ ހުރިހާ ހަރަދެއް ހަމަޖައްސާފައިވަނީ ނޮޅިވަރަންފަރު ކައުންސިލާއި އަތޮޅު ކައުންސިލުން ކަމަށްވެސް ތައުފީގް ވިދާޅުވި އެވެ.

ގުރުއާން މުބާރާތައް އެރަށައް ދިއުމަށް ހަމަޖެހިފައިވާ ދަރިވަރުނާއި ބެލެނިވެރިން ނޮޅިވަރަމްފަރަށް ދިއުމަށް ހަމަޖެހިފައިވަނީ ފެރީ ނިޒާމުގެ ތެރެއިން ކަމަށްވާތީ އޭޕްރިލް 2 އަދި 5 ވަނަ ދުވަހު އަތޮޅު ކައުންސިލުންވަނީ ފެރީ ރޫޓީން ނޯންނާނެކަން އިއުލާން ކޮށްފަ އެވެ.

މި އަހަރުގެ މުބާރާތުގައި ޖުމްލަ 11 ރަށަކުން ވަނީ ބައިވެރިވެފަ އެވެ.